影の鳥 (Closed)

朋友話一定要試下由AK Jer 肥仔一齊開嘅影の鳥，打卡📸之餘又可以食串燒🍡，由於今日係星期日，晚上做緊 150分鐘日式半自助餐 ，可以選擇一款主食，再無限追加36款日式料理😍。餐廳地方唔大，有卡位，有吧枱，裝修得好有情調🥰。150分鐘日式半自助餐 $498主食 - 有8️⃣款選擇，我地叫咗牛小排丼🍱和金目鯛定食，牛小排丼份量迷你，牛肉🐂薄身有牛味，加埋啲醬汁幾好味。至於金目鯛🐟，魚皮燒到脆卜卜，食落有魚油口味，送飯一流。先付 - 試咗唐揚雞軟骨粒🐓和唐揚池魚仔🐟，兩者都炸得香口乾身，非常出色😋。刺身 - 雖然刺身選擇得4️⃣款，但全部都好新鮮，帶子厚切，甜蝦🦐超甜，油甘魚和三文魚都好出色，我地encore咗幾round😋 。天婦羅 - 有4️⃣款選擇，海蝦🦐、沙錐魚🐠、南瓜🎃和蕃薯🍠，天婦羅水準不錯，外皮炸得酥脆🥰。串燒 - 總共有1️⃣3️⃣款，餐廳主打串燒🍡，咁當然有返咁上下水準，雖然我地試唔哂所有串燒，但款款燒得幾好味。首推牛舌👅、有頭蝦🦐和廣島蠔🦪，牛舌👅口感軟嫩多汁又有嚼勁；有頭蝦🦐size正常，爽口彈牙；廣島蠔🦪燒得剛剛好，夠哂juicy😋。甜品 - 每人奉送一件自家製三色糕甜品，上面是綠