老北京

Open Now

Now Closed

第一次黎食午餐，以灣仔區黎講絕對唔貴，因為每人叫個小菜，飯、粥、涼菜、生果、蕃薯/粟米都是任添，連茶芥&加一都免了，淙菜款式有3-4款，水果1-2款都幾豐富，點了以下小菜：1. 水煮魚：算係唔辣，麻味會比較多，配菜有芽菜、豆卜、莞茜等，唔係好食得辣都可以試下。2. 京味獅子頭：個球整得幾實，唔會好易散，有白菜&菇類做配菜，好味唔濃味。3. 京蔥炒牛肉：有鑊氣炒得幾好食，連京蔥都會食埋。4. 京式回鍋肉：一樣有鑊氣，肉的份量唔少，加埋白菜炒極為惹味。5. 雲吞雞：對比以上較清淡，雲吞有五隻，雞份量比想像中多，湯好清淡味唔錯，還有幾棵小棠菜。綜合以上意見，絕對推薦大家去試下，以午餐黎講一個價錢包茶芥加一係經濟，而且上餐速度快又熱辣辣，建議去之前早幾日book 位，好野自然多人食。