Video
Read full review
2012-02-01
1242 views
朋友見雜誌介紹，給我傳來一張張標緻既素食相片，我被吸引著，充滿萬分期待，擇好吉日一齊試食！室內裝飾簡單整潔，座位排列不太密集，尚算舒服，當晚全被預訂。枱上已擺放左素之樂會員表格一張，顧客可免費登記為會員，聽聞生日有特別優惠！菜式由餐廳發版，一看當晚餐牌成個春茗宴咁款，要中、英對照才了解內容，算係給客人一個驚喜吧！ 前菜兩味：味道普普通通，應該係一D豆製品加工既素食。四喜拼盤：腐皮卷 + 滷肉 + 沙津 + 芋絲腐皮卷優勝之處在於唔油膩，但味淡、滷肉則味香帶煙靭、沙津夠清新開胃；而較遜色可謂芋絲，偏淋欠原來彈性，調味偏淡。 如意燉湯：湯料有幾款不同菌類、腰果同雞心豆，料足火喉也足，因此味道頗清甜。金玉滿堂：無論賣相及食味，十足咕嚕肉，皮脆肉鬆，做得不錯！ 步步高陞：呢道係頗具創意兼中西合璧的菜式，初嚐以為係蒸豆腐，細看餐版原來係用 Peanut Rice (南印度既米) 做成既布旬，質地非常幼滑。而青綠既汁係由蔬菜打成，恰似西式蔬菜湯既做法，創意100，有驚喜。 一品珍珠：簡單黎講係芋角既翻版，芋頭味不夠香濃，中間夾上小量素肉及醬汁。 花開富貴：賣相不俗，頂部以花菇及紅棗作點綴，顏色協調
室內裝飾簡單整潔，座位排列不太密集，尚算舒服，當晚全被預訂。枱上已擺放左素之樂會員表格一張，顧客可免費登記為會員，聽聞生日有特別優惠！
菜式由餐廳發版，一看當晚餐牌成個春茗宴咁款，要中、英對照才了解內容，算係給客人一個驚喜吧！
前菜兩味：
味道普普通通，應該係一D豆製品加工既素食。
四喜拼盤：腐皮卷 + 滷肉 + 沙津 + 芋絲
腐皮卷優勝之處在於唔油膩，但味淡、滷肉則味香帶煙靭、沙津夠清新開胃；而較遜色可謂芋絲，偏淋欠原來彈性，調味偏淡。
如意燉湯：
湯料有幾款不同菌類、腰果同雞心豆，料足火喉也足，因此味道頗清甜。
金玉滿堂：
無論賣相及食味，十足咕嚕肉，皮脆肉鬆，做得不錯！
步步高陞：
呢道係頗具創意兼中西合璧的菜式，初嚐以為係蒸豆腐，細看餐版原來係用 Peanut Rice (南印度既米) 做成既布旬，質地非常幼滑。而青綠既汁係由蔬菜打成，恰似西式蔬菜湯既做法，創意100，有驚喜。
一品珍珠：
簡單黎講係芋角既翻版，芋頭味不夠香濃，中間夾上小量素肉及醬汁。
花開富貴：
賣相不俗，頂部以花菇及紅棗作點綴，顏色協調及層次感均佳，先是50%成功。青綠豆苗沒有平日既腥味，配上温純既黃芽白一同入口，爽脆潤滑兼備，口感豐富滿足，餘下50%也得分了。
彩虹海寶卷：
壽司卷兩邊以南瓜及薯蓉填上，青瓜片用黎卷著壽司進食，味道不甚特別，一般而已。
吉祥煱：
以爐端上鐵煱，一邊燒一邊食。材料亦異常簡單，幾件南瓜、冬菇、素肉及豆苗。
福壽喜飯：
金黃炒飯似是用上某些香料沾上顏色，不是雞蛋，但食不出黃薑或任何香料味道，中間也是包著小小既素肉同醬汁，較為平淡。
闔家團圓：
餐版係蘋果批，滿心歡喜！但實質係豆沙或蓮容饀角，因味道較含糊，界乎兩者之間，真難判斷；酥皮效果亦不明顯，可算是未能取悅之處！
甜品：南瓜西米露
食味一般，無過人之處，唯一係不膩口。
總體黎講，素之樂菜式賣相討人喜歡，值得一讚是各菜式絕對不油，算是極清淡之選。但相對缺乏內涵，各菜式清淡之餘卻失去其獨有既個性，呢個可能係現代素菜最難拿揑既功夫。另外個人較喜愛採用天然食材多予於加功品作素材，認為原材料營養較多，味道亦較天然，只要响食材組合上花點心思，深信一道健康美味既素菜比肉食更為吸引，努力呀！
Post
