八月茶室 (南豐中心)

Open Now

Now Closed

今日搭完地鐵，喺荃灣站一出嚟， 走咗去南豐商業中心逛一逛， 行到咁上下晚飯時間見到有間茶記八月茶室， 居然有川菜食🫢 心癮起想食酸菜魚， 一於就入去食😋 招牌酸菜魚(小) 又話細， 但係一啲都唔細， 一大盤超多， 兩個人都食唔曬🫢 魚肉好滑， 去咗骨， 啱曬我bb食😆 酸菜魚湯底都好夠味， 微辣， 如果酸菜味可以再突出啲會更加正🤤🤤 除咗酸菜仲有萵筍， 雜菇， 寬粉， 真係勁足料👍 幹鍋椰菜花味道超香， 輕輕炸過嘅椰菜花炒起來更加掛汁， 辣辣地勁開胃😋 臘肉炒蒜苗臘肉係一舊舊切得超厚， 估計有成條臘肉嘅份量🫢 蒜苗吸收咗臘肉嘅香氣， 食落爽口🤗 茶室新開咗幾個月， 裝修新淨又乾淨企理👍 喺正地鐵站隔離商場， 夠曬方便👍 而且價格親民， 份量又足🤗 茶餐室價錢有酸菜魚食真係幾吸引😋 下次經過再試埋其他嘢食再分享畀大家🤗🤗