八月茶室 (南豐中心)

Open Now

Now Closed

今日下班跟爸爸來了荃灣食晚餐，看到這間八月茶室坐滿食客，而且餐牌十分多元化，炒粉麵、鐵板、川辣、小炒、小食⋯⋯應有仲有，太吸引了。我們看了餐牌後點了一客鐵板茄子斑腩炒麵，賣相相當吸引，鐵板燒得火紅紅熱辣辣，上面脆卜卜的炒麵，炒麵金黃香脆十分好吃，味道一流，煎得香脆勁惹味。上邊鋪滿了茄子和斑腩，茄子熱辣辣軟綿綿的，斑腩啖啖肉十分好味。這菜式相當香脆惹味，而且放在鐵板上仲可以保持熱度，可以慢慢吃。芝麻黑糖醋骨，甜甜的豬肋骨條，汁醬好味，一邊吃豬肋骨，一邊吃到又香又甜的味道，仲帶少少醋香，酸酸的相當醒胃。川辣辣子雞丁，雞丁脆卜卜的，外面脆卜卜金黃色，中間仍能保持雞肉的嫩滑，而且味道帶點點辣辣的，十分惹味。這種特別的酥炸口感辣炒雞丁十分特別，不知不覺就吃光光了。生炸雞中翼，外皮香脆，雞中翼肉嫩多汁，大人小朋友都一定喜愛。我仲點了一杯特飲，龍鳳七喜，有咸檸檬和鮮檸檬，兩種檸檬伴上七喜汽水，鹹鹹香香十分醒胃。餐廳仲有其他套餐可以點選，或者可以單點餸菜，再加配白飯等等都可以。

眨眼就快到八月十五，放工跟月亮有個約會，南豐中心 有好多時裝和玩具小店，逛完商場就來到 八月茶室，品嚐一下他們的招牌川菜、小炒。招牌酸菜魚 同事喜歡食川菜，一於陪他吃一個火辣辣的招牌酸菜魚 。酸菜魚份量也不少，湯底好飲，酸辣適中。魚肉雪白，肉質超級嫩滑，肉汁滿滿而且魚味香甜，非常好食！寬粉滑順香口，配上大量配菜和酸菜，再加配珍珠白飯食，真係一流！避風塘炒魷魚 除咗川菜之外，這裏的小炒非常有鑊氣，一定要試吓！無花無假新鮮魷魚，很惹味的避風塘風味。主角魷魚，外脆內軟，微微燒香，加分不少。自家製咕嚕肉 估唔到茶室食廣東小炒都做得一樣有水準。自家製咕嚕肉 酸酸甜甜好開胃，用上口感清爽美味嘅肉，炸得酥脆可口，蘸上咕嚕醬汁，口感爽脆又有肉味香濃。特飲經典紅豆冰真係超大杯。雜果賓治，內裡充滿雜果，配搭七喜，味道有驚喜。服務細心，坐得幾舒服，店員有禮貌，一坐下來便慷慨送上例湯，都幾好飲。

約朋友到荃灣區，去了這間八月茶室，以為茶記質素，誰不知原來很高質，價格亦吸引不少食客。裝修頗具摩登時尚感，獨特的月球主題設計讓人耳目一新，與傳統的茶記形象截然不同。餐廳內的座位設計也相當寬敞，令人舒適中式餐湯酸菜魚味道鮮美，魚肉肉質滑嫩，酸菜的酸味恰到好處，與魚肉相得益彰，讓人食指大動。湯底熬製得非常有深度，令人回味無窮。乾鍋椰菜花 炒得乾身，椰菜花烹調得恰到好處，保持了脆口的口感。香辣的調味料充分滲透，搭配炒香的配料，讓每一口都令人驚喜。湖南小炒肉片 小炒肉片的味道濃郁，炒至剛好的焦香，與青椒的搭配也十分和諧。湖南菜的辛辣感在這道菜中表現得淋漓盡致，適合喜歡重口味的食客。總體來說，茶記價錢優質食物，估不到茶記有如此高質，值得大家一試

今日OT遲收工街市已經收擋，於是係屋企附近的八月茶室晚膳。荃灣港鐵站A出口步行二分鐘就到，交通十分方便。8點到達餐廳人流唔多，我便選擇靠在窗邊的卡位坐下。晚餐菜單價錢經濟實惠，順便點了一些菜式另加白飯。沙嗲金菇肥牛煲，肥牛肉質鮮嫩，金菇浸了濃濃的沙嗲醬，底層有粉絲索晒所有精華，增加了整道菜的層次感。蜜椒薯仔牛柳粒，牛柳粒外焦內嫩，咬下去食到啖啖肉汁好juicy。搭配三色椒的甜味，口感相得益彰。麻婆豆腐，一上枱的時候首先會被它的顏色吸引。紅油點綴著白嫩的豆腐，色彩鮮豔，令人垂涎。豆腐滑嫩的口感搭配辣味和麻味，瞬間在味蕾上舞動，是配飯必備菜式。總結：送餐速度快，職員服務態度好，價錢性價比高。

荃灣有好多茶餐廳， 喺南豐中心， 呢間八月茶室， 乾淨企理， 嘆返個午餐就最好啦。呢間餐廳午市時間有好多人， 口碑都不錯， 餐廳嘅裝修好光猛， 枱同櫈之間唔會擺到好逼， 坐得都舒服。呢間餐廳嘅套餐有好多， 價錢唔會好貴， 店員嘅服務都好好， 好親切。今日想食清清地， 就叫咗個常餐， 好快就到咗。 麵包好脆口， 牛油味好出。 蛋都炒得好滑。好快就嚟咗個米粉， 清清地好開胃， 漢堡扒煎得好香。 朋友就叫咗個乾炒牛河， 色水好深， 可見廚師用功咁炒， 牛肉又好多，佢食得好滋味。總括來說， 呢間餐廳性價比好高， 食完職員唔會趕你走，好值得嚟食！

上星期和朋友逛荃灣新之城，晚上順道在八月茶室食飯，餐廳佈置簡約舒適，有些木系和風的感覺。地點超方便，旁邊就是荃灣鐵路站。芝麻黑醋骨，份量都足，有好多件，黑醋汁醬濃郁香甜，但不會太甜，排骨肉質軟滑緊緻，口感相當不錯。金銀蛋浸菜心，都幾大碟，菜心鮮嫩爽口，咸蛋皮蛋都不少，口味清淡不會太咸，皮蛋幾彈牙，有大酒家水準。孜然牛肉，賣相幾吸引，見到已好想食，陣陣香氣，牛肉軟滑，沒有渣，配合大蔥炒，超惹味，孜然味不會太濃，一般人都容易接受。西蘭花炒雞柳，感覺清淡一些，西蘭花軟硬適中，幾爽口，雞柳亦嫩滑，一點都不油膩。例湯都不錯，好多料，飲後不口渴，感覺沒有什麼味精，幾清甜。

今日收咗工就去咗南豐中心搵野食，見到八月茶室坐得都算幾舒服就入咗去見到餐牌都有好多嘢食，有川菜、常餐、炒粉麵飯等等咁今日就口淡淡啦，想食辣辣地，叫咗個細嘅酸菜魚，入面仲有好多薯粉，唔算太辣，魚肉都幾多，都幾好味🤤另外叫咗一個XO醬炒四季豆，XO醬炒得好香，四季豆都爽口另外仲叫左個魚香茄子炆米，呢個好入味好好味，再加埋茄子好夾，呢間啲嘢都叫做大件夾抵食我見到平日夜晚都幾多人，呢間性價比都幾高，平時都可以多啲嚟食吓

今晚同朋友系南豐中心機鋪度過週未，見外面下著大雨，就系附近搵食。見#八月茶室 環境舒適，而食川菜更是四季佳宜，反正到了晚飯時段，就決定入內一食吧。惹味水煮牛肉（小）+$168.00材料豐富，內有充足鮮牛肉，以水晶粉做底，牛肉本身十分吸辣油，食完入面啲牛肉，去食個水晶粉底，簡直一流👍🏻奇味雞煲+$98.00內裡豬肚，叉燒，雞，熱辣辣好香，豬肚入味有咬口而雞又夠滑，雞肉唔會好多碎骨，醬汁夠曬味。味道幾好冇伏，值得一試。金銀蛋浸時菜+$72.00小白菜夠哂清而且咸皮蛋聚火，忍唔住飲多兩啖湯，自己差不多食左半碟😂凍檸茶+$12.00 &凍柚子蜜+$12.00白飯＋$12.00總括嚟講，員工服務態度唔錯，食材新鮮，抵食又高質。

收工經過荃灣同老公行咗一陣街就去咗南豐中心搵嘢食見到八月茶室有川菜食2個人食咗三個餸食到好飽飽👍🏻👍🏻1.招牌酸菜魚（小）2.川辣辣子雞丁3.魚香茄子肉鬆煲叫咗杯可樂叫龍鳳可樂😆原來入面係有話梅加檸檬🍋酸菜魚帶點酸酸辣辣既味道入面仲有麵條，金菇加杏鮑菇醒胃解膩既效果非常入味魚肉的鮮嫩鮮甜辣子雞丁鮮嫩多汁既雞肉加配乾辣椒碎表面焦脆酥香內裏依然保持着肉質嫩滑多汁d茄子烹煮過程中會完全吸收湯汁鮮美變得十分柔嫩多汁，咬落去茄子會呈現出絲滑線軟嘅質地令人回味無窮👍🏻👍🏻

荃灣地鐵站有好多小食店，但連鎖#八月茶室 係性價比方面出色，同埋又系室內。唔洗系條街捱熱。店舖有港式小菜，可鍋飯系列，鐵板系列，最吸引梗係酸菜魚喇。招牌酸菜魚$188.00（小）鱸魚片無骨好滑，配菜有酸菜、芽菜、金菇同薯粉等配料，整體味道唔錯，都略嫌湯底個辣度唔夠！但飲完都唔會覺得有味精同口乾。乾炒牛肉意粉$59.00意粉偏淋軟身，入口順滑，份量多，而牛肉薄身蘚嫩。騰椒魚皮$42.00依個小食真係比較少見，魚皮爽口，而味道又做得酸辣，系悶熱天氣下特別醒胃!!四川回鍋肉$78.00食落口一D都無油膩嘅感覺，香辣惹味，伴飯佳品。雜果賓治$15.00 &紅豆冰$15.00

三個初中女生去食lunch,成塊豬排未食就收走，叫左兩聲都扮聽唔到！每人一個餐，又唔係齋坐，有乜理由咁衰格！再忙再多生意都冇可能咁樣趕學生走囉！大人坐係度傾個幾鐘唔見你去收佢啲嘢？？不知所謂！

南豐中心約左朋友一齊買電話卡準備去旅行。2樓新開間八月茶室，新淨又企理，入去食下野傾下計先例湯-節瓜花生湯，足料，節瓜滿滿，花生味香，滿滿誠意例湯招牌酸菜魚-鱸魚份量夠睇頭，滑溜無比又無骨，湯底濃醇香味撲鼻，配料有銀芽，闊厚粉，金菇，小辣，酸度香，不錯黑椒牛仔骨-外觀掂，黑椒味十足，牛仔骨有走油，唔會乾乾的，青椒洋蔥夠香口，立刻配碗白飯，一流乾鍋椰菜花-帶微辣，雖然碟上，但都聞到椰菜花嘅焦香，加左半肥瘦白肉皮，吸收晒精華，咬口不錯。凍檸樂-食川菜當然最佳組合👍🏻凍咖啡-朋友話味濃香滑，正整體不錯，小菜有水準，仲有好多晚餐選擇。店員服務好，爽手👍🏻

餐廳以月亮為主題，店內有很多月亮佈置，燈光很光猛.坐位特別闊很舒適不擠迫。八月茶室食物種類繁多，有中式小菜類，西式扒餐，港式下午茶，勁辣川菜都有！ 完全是一間多元化的餐廳。當日我們想選香辣的田雞，乾鍋肥腸但已售完……最後我們3個人選了3個菜：川味水煮魚   一上枱已經被花椒油味道嗆喉，魚肉好大件無骨滑溜，有薯粉芽菜配料。好多花椒辣椒！味道好正宗！越食越辣……所有主菜加12元可以變餐，有1碗白飯和1碗例湯晚餐A 1個小菜+飯+湯+熱飲 原本選啫啫通菜煲, 服務員通知通菜都沒有改用芥蘭 芥蘭爽口脆綠都好好口感加上 陣陣咸香味好有鑊氣芥蘭又爽脆，豬肉碎蝦乾味道咸香配飯一流, 完全驚喜！脆肉瓜雲耳炒鮮尤 有住家菜味道，味道不濃，突出脆肉瓜清甜，尤魚肉𠝹花易咬易吃軟軟的例湯沒有味精，今日是粉葛豬骨！成枱放滿出菜很快今晚覺得小菜食物很足鑊氣，很有大排檔味道！選了懷舊菠蘿冰, 甜甜酸酸配梳打水解辣好喝

今日同家人去完南豐中心bb鋪買完野，剛剛好晚飯時間咁食埋飯先回家。見到間八月茶室都岩口味就入去食。好快店員安排好座位就點菜。點了瑞士汁乾炒牛河，黃金脆皮蝦球，魚香茄子肉鬆煲，四川回鍋肉，咕嚕肉加杯凍檸茶，凍咖啡。例湯都唔錯，唔會好咸。瑞士汁乾炒牛河：瑞士汁甜甜地又唔會太咸，炒得乾身，牛肉入味。黃金脆皮蝦球：好香咸蛋黃味道再加上蝦肉鮮味。魚香茄子肉鬆煲：熱辣辣既煲，魚香味道再加上茄子肉鬆成個煲都吸引味蕾，可以話色香味俱全。四川回鍋肉：少少辣野味可口，有肉有菜。咕嚕肉：甜酸汁醒胃可口，肉質都好好加上青椒，洋蔥等配料非常豐富。凍檸茶，凍咖啡：正常

今天在南豐中心購物後，來到二樓這家餐廳休息並吃晚餐，餐廳以月亮為主題，非常吸晴，餐廳除了提供一般小菜之外，還有川菜，各式各樣都有。點了他們的招牌菜酸菜魚和西檸雞，還有一杯凍檸樂和一杯龍鳳七喜。首先是酸菜魚，魚肉非常新鮮，搭配上酸菜的酸甜口感，非常開胃。湯汁酸中帶甜，讓人回味無窮。而西檸雞則是炸得酥脆，外皮酥脆內裡多汁，淋上檸檬醬汁，清新開胃。搭配上米飯，真是美味無比。凍檸樂和龍鳳七喜則是很好的搭配，清涼爽口，讓整餐更加順暢。