Video
Read full review
2011-06-11
28 views
唔想去咁遠、但係又想食海鮮同小炒, 所以就諗起去屋企附近鴨脷洲嘅發記, 而且, 呢度一過咗夜晚10點就會有特價嘢食推出, 真係啱晒我呢啲夜鬼!去度咁啱有一張細枱, 唔駛等, 正! 今晚得自己一個人食, 就食下平時唔係咁多機會食嘅豬膶先, 叫咗個白灼三寶:即係有墨魚、豬膶同鵝腸, 再叫多個蟶子皇, 喺入嚟前見到大大隻先$18蚊隻, 抵!!!兩樣嘢好快送到, 當然唔少得支啤酒送飯啦! 一食個蟶子皇, 好新鮮, 啲肉好彈牙, 唯一唔夠正係個豉椒汁唔夠惹味, 都係嗰句, 金山做呢個餸最好食! 再食下個三寶, 嘩!正呀! 所有嘢都灼到啱啱熟就送上枱, 墨魚夠新鮮、豬膶唔會<鞋>口又好味, 而個鵝腸就非常爽口, 三様嘢點個辣椒豉油, 再呷一啖啤酒, 正到震!!!雖然一個人食, 但係都唔太夠飽, 所以就叫咗四隻果皮蒸鮑魚, 又係好有效率咁快快送到, 呢個又係四個字形容: 新鮮彈牙!中國人真係叻, 諗到用果皮<吊>起鮮鮑魚嘅味道!!!最後, 都係意猶未盡, 見到特價嘢度有個只係$32蚊嘅豉椒炒蜆, 所以都係忍唔住口叫住一碟, 幾好, 由份量睇嚟無話因為特價而少咗, 食落
去度咁啱有一張細枱, 唔駛等, 正! 今晚得自己一個人食, 就食下平時唔係咁多機會食嘅豬膶先, 叫咗個白灼三寶:即係有墨魚、豬膶同鵝腸, 再叫多個蟶子皇, 喺入嚟前見到大大隻先$18蚊隻, 抵!!!
兩樣嘢好快送到, 當然唔少得支啤酒送飯啦! 一食個蟶子皇, 好新鮮, 啲肉好彈牙, 唯一唔夠正係個豉椒汁唔夠惹味, 都係嗰句, 金山做呢個餸最好食! 再食下個三寶, 嘩!正呀! 所有嘢都灼到啱啱熟就送上枱, 墨魚夠新鮮、豬膶唔會<鞋>口又好味, 而個鵝腸就非常爽口, 三様嘢點個辣椒豉油, 再呷一啖啤酒, 正到震!!!
雖然一個人食, 但係都唔太夠飽, 所以就叫咗四隻果皮蒸鮑魚, 又係好有效率咁快快送到, 呢個又係四個字形容: 新鮮彈牙!中國人真係叻, 諗到用果皮<吊>起鮮鮑魚嘅味道!!!
最後, 都係意猶未盡, 見到特價嘢度有個只係$32蚊嘅豉椒炒蜆, 所以都係忍唔住口叫住一碟, 幾好, 由份量睇嚟無話因為特價而少咗, 食落又無沙, 反而唔明點解呢個豉椒汁惹味過蟶子皇嗰個?!
如果星期六、日嚟嘅話, 呢度一定要等位, 閒日嚟我都係第一次, 可能因為無咁多人嘅關係, 服侍比假期嚟更好, 上菜速度更快；呢度開到凌晨2點, 如果要夜晚食新鮮海鮮同小炒嘅話, 呢度一定係南區嘅不二之選! 仲要夜晚10點後有特價, 就令到人覺得更加抵食!!!
Post
