發記小廚 (Closed)

同朋友行完香港仔郊野公園, 就當場要補充返D卡路里啦。鴨脷洲無旺角銅記般繁華, 街頭都頗暗, 難得有地方燈火通明, 大家就朝著這個方向去。小菜店, 岩哂啦~大家意見都各有不同, 小菜種類多, 大家點一個, 一定無問題啦~芝士牛油鮮魷- 大家一睇到都問, 是否魚柳?炸得好靚, 金黃色, 又有汁煮, 覺得像沒有粟米的粟米斑塊。原來是芝士~~~賣相好吸引, 上枱時已有好香的牛油味, 汁醬亦加大量洋蔥, 好爽口清新。鮮魷鮮炸好, 鬆脆可口, 魷魚入口易咬, 又好淋。黃金蝦- 唔洗10蚊有一隻, 算好平, 即炸蛋黃味香, 不過蛋黃都多溶了, 粒粒蛋黃不多。肉質都仍好爽口彈牙, 但炸得比較乾。蒜蓉炒豆苗- 呢個真係份量多, 一般豆苗都偏貴, 呢間沒有加錢, 分量都有成座山咁高, 而且蒜香好出, 又不油膩, 食得多肉類都應該食菜清清O下肚皮。

同貧友黎開香港仔行山行完山就黎哩度食飯雖然我地一步7人但因為黎到時先18:30所以即刻有位了豉椒炒蜆冇乜沙, 好惹味, 唔錯豉椒炒蟶子個味其實同炒蜆一樣不過蟶子就多肉d辣酒煮花螺, 好夠辣芝士牛油鮮魷好香芝士味, 撈埋d芝士, 好味黃金蝦係好夠唔夠黃金味不過蝦肉都算實, ok帶子豆腐入面除左帶子同豆腐仲有冬菇粒, 蟹柳粒, 蘿蔔都幾多料, 豆腐都幾滑蒜蓉炒豆苗豆苗唔老, 好味椒鹽鮮魷完全食唔出椒鹽味檸檬蒸烏頭肉質超林白切雞哩隻雞係咪俾人打過針黎?!巢皮o既?!魚香茄子煲好夠味, 送飯一流, 正海鮮粥超多料不過就因為太多料d粥反而太少XDDD好豐富呢成日聽人講香港仔食海鮮平靚正哩度雖然唔算超好食但食物味道都算唔錯海鮮夠新鮮價錢都算抵食

新手第一次留食評，因呢間野真係好味又低食~尋晚叫左成枱海鮮，樣樣野都好好味，海鮮又好新鮮，佢地個招牌吊桶真係冇得頂！！仲有佢地個籠仔蝦糯米飯趁熱食實在係正喔！特別推介佢地個紅衫魚湯，好鮮甜好味道！5個人食到勁飽每人都係 $140，真係超低超開心~

雖然很喜歡食海鮮, 但西貢鯉魚門布袋澳流浮山三聖村... 等等 ... 但對於不渣車的我們, 實在有點不方便.去南丫長洲? 要就船期, 好難會即興 ... 而且很多時, 三四丁人, 好難叫得多 varieties.我一向都知香港還有一個較少人去的地方 - 鴨脷洲, 大街上"仍"沒有連鎖食店, 很喜歡.但因為有人覺得 "隔涉" & "吊腳", 所以甚少 suggest 鴨脷洲這個地方. 終於, 上個週末, 跟一班住西環的人, 說到: 繞過薄扶林唔係好遠. 於是就奸計得逞 - 去了.  老實說, 一到步看一看餐牌, 不太覺得比市區平很多. 但當想到: 要一棚人去流浮山 or 西貢, 車費已經$20+ each, 心算起來是平了.OK, 我們是貪心為食的, 魚蝦蟹蠔都叫齊了 ... 魚不是貴價的海班, 而是下價的咸青根, 有點貪玩的心理, 因為這類 "上不到大枱"的魚, 其他地方很少見. 薑蔥桶蠔, 正, 不太 shiny 的油立立. 個籠仔糯米蟹飯, 我真係好 buy, 有蒜香, 糯米蒸得不是太稔糊爛. 反而, 豉油王中蝦略嫌普通. 最後叫多個乳鴿, 食得出不是翻炸, 不錯.

人生似是短短幾十年的光景，一些習慣在不知不覺間養成，並不經意地與人共存於生活的小節裡，變成了生命的一部份。當一切成為不可分割，彷彿習慣就變得理所當然，再沒有意識去檢視其好與壞，或存在的必要性。除非一天，神經被突如其來的事情敲動了，幾十年的習慣才會有所改變。前一天晚上，突然接到一個不太好的消息，第二天下班後，老公、我和奶奶相約到醫院裡去，心情總是有點沉重，畢竟病人是親人，再者近年他的一個舉動，令我為佩服不已，使我更加尊敬這位長輩。步入病房內，看到鼻孔插著管子的他，身上、臉上均留有紅筆的筆跡，精神還算不錯，聽說情況比昨天好多了，在病房內聽著他斷續地細說情況及相關治療。逗留了一會，便離開了！我們稍覺安心，放下沉重的心情，跟奶奶吃晚飯去。我想吃魚，於是奶奶介紹她牌局後與親友到過的飯店。除西貢、鯉魚門，香港仔鴨脷洲算是一處較為親民，又能提供水準不錯的海鮮之地。發記門口兩旁放有活海鮮，由於當晚是平日，海鮮種類不算多，只有蜆隻、扇貝、蟶子、魚、蝦、螺等。我愛魚，第一時間看看在暢泳的魚兒，門口的小哥介紹一條手釣細鱗給我，魚的大小剛好，就成交了。發記是一般街坊飯店的裝潢，這比西貢一些堂皇華麗的海鮮店，不

在年頭答應過女朋友仔去我家附近吃海鮮,想不到要在年尾才能守約呢.也好,今天終於有機會啦.可能是因為聖誕時節吧,所以不用等位呢.我們點了女朋友仔最想吃的豉椒炒蜆,再加一碟很久沒有吃過的辣酒煮螺吧.最後再點一個魚香茄子煲好了,呵呵XD那像待應的哥哥應是老闆啦,經常笑面迎人呢,服務上值得加分啦.轉過頭食物來了,很肚餓啊,呵呵.>口<最先來的是辣酒煮螺呢.汁有酒香,而且的確比較辣啦,但可惜螺不入味呢,味道完全分離的,應是煮的時間不夠啦.幸好螺新鮮,爽口有鮮味,值得一吃呢.很快豉椒炒蜆也上桌了.看起來蜆比較小隻但很大碟呢,蜆炒得惹味不錯吃,但空穀比較多而且蜆肉小隻扣了分.算了吧,那麼便宜也是可以接受的啦,要吃大隻的話下一次吃花蛤好了.最後來的魚香茄子煲爆得頗香呢,豬肉碎跟鹹魚粒也多,送飯非常一流啦.茄子走油做得好沒有煮過頭,每一片也可以夾起來呢,好吃.=v=結帳才200多而已不算貴啦.終於完成了女朋友仔的心願,下一次帶她去吃更好的才行,呵呵.

第二次黎吃，食過番尋味啊！椒鹽瀨尿蝦 ($68)～ 正常size不大不細，椒鹽味適中～鹹魚肉醉四季豆用來送後來上的籠仔糯米飯蒸海蟹，送飯確實絕配！籠仔糯米飯蒸海蟹，蟹蓋的膏份量適中，吃下去味道像蒜蓉粉絲蒸扇貝，哈！另外有四隻蟹腳，肉質鮮甜！糯米飯蒸得剛剛好，推介啊！

每年一到慶生的大日子兩口子都會花很多精神去選一間平常不會常到，高檔一點的地方來享受一個寧靜的夜晚。不過今年的情況就有些特別，第一便是今年是一家三口一同慶祝，故可以預計都會"無啖可食"的了；第二則是由於要忙着應付小友的關係，吃的地方就不能那麼高檔的了(因就算是去了也沒有好心情去享受)，所以今年的慶生宴就選擇了到平民化的地方，來食一頓海鮮飯局....吃之前先在海洋公園玩了大半天，及後會合了即興加入飯局的細姨媽及其男友，一行五人驅車入到平時極少去的鴨脷州....太太預先做了research，老早就訂了位子。由於沒有自携海鮮的關係，自己就獨自走出去門外揀海鮮。揀的都是些大路的貨色如蝦及蟶子等。最重要的當然是一條靚魚了，這亦是一行人來臨的主要目的....點了一大堆菜後，百無聊賴，吃些淮鹽花生來送汽水，也甚滋味....上桌得最快當然是白灼的東西。一道白灼海中蝦看起來甚對版，肉是結實而鮮甜，蒸得剛好熟，細姨媽覺得有點過生，但小弟倒是認為啱啱好，過了火太熟的話肉就變得韌且鮮味亦會流走的了....聽說這裡的墨魚炸蝦餅是名物之一，不過看起來樣子扁撻撻的不算飽滿而且吃落亦欠了一份鮮甜味，故此縱然口感是彈牙的

今晚一個人黎左發記小廚食晚飯, 其實以前都黎過,不過多數同朋友一齊星期六日去食, 所以就費時影相阻住D朋友食飯啦, 因為六日真係好多人, 所以D小菜呀~~海鮮呀~都會上得慢D, 同埋可能廚司太忙, 所以有種感覺六日既小菜同海鮮無平日咁好食。今晚叫左3樣野食:籽然焗魚春 $68- 無諗過佢用雞旦去焗, 佢個做法有D似焗魚腸雞旦, 但後者會好味D, 香D,味道層次高D, 但佢地用雞旦去焗魚春, 上菜時都好香咁, 但係食落去味道偏淡, 麻麻地。其實個菜名最好改為籽然雞旦焗魚春, 咁會令人清楚D, 因為我叫果陣唔知會用蛋撈埋一齊去焗。薑蔥焗鮑魚 $98 - 有3細4大既鮮鮑魚, 第一次食, 覺得好好味, 以前食鮮鮑魚多數都係果皮蒸或打邊爐, 原來薑蔥焗好味好多。而我本身好鍾意食洋蔥、蔥、蒜頭呢D配料, 所以呢個小菜有好多入晒味既蔥正合晒我胃口~ 一個字: 正~~豉椒炒大聖子$72 - 四隻大聖子D肉連埋D配料炒完後, 放返去四隻聖子殼上面, OK喎~ 食完第一啖停唔到口添~ 好好味~~不過我真係覺得平日夜晚黎食飯, D服務同埋D小菜/海鮮味道都好似好D~另外, 呢條街最近開左兩間新食

難得約了舊同事食飯, 有好幾個同事都係好「食」之人, 經由他們介紹, 就來到「發記小廚」.地點不算太難找, 有朋友訂了檯, 很快就可以入座.點了好幾道菜.菠蘿咕嚕肉, 炒蟶子, 墨魚蝦餅, 水蟹粥, 蒜蓉炒油麥菜, 豉油王炒麵當中只有炒蟶子, 墨魚蝦餅是屬於水平之作.炒蟶子, 肉質很爽口, 彈牙. 很新鮮! 配以秘製醬汁, 一絕. 不過, 明明是出煙的, 點解唔熱?墨魚蝦餅, 外層挺脆!! 抵讚. 墨魚肉也很彈牙! 唔知係咪星期日的緣故, 很多客人慕名以來.廚房的單做唔切? 每碟餸都要等好耐...... 服務態度也是一般….食店環境一般, 只是一個室內有冷氣的大排檔…如果真是要吃炒蟶子等大排檔必點的餸菜… 我未必會再來, 謝謝.

由於有事要到香港仔, 所以決定晚餐係呢邊食...係OPEN RICE SEARCH 一輪餐廳後, 就選擇了發記小廚....最後的二人枱就給了我們......YEAH看看MENU一行共2人, 點了1) 招牌菜 - 白灼三寶...(墨魚, 鵝腸, 豬潤) - 但送上來冇鵝腸變了肥牛, 但我們根本不食牛, 他們没有問我們自行更改, 有點奇怪, 由於很多東西都賣晒, 所以我地轉了第二樣菜, 就是芝是墨魚, 生粉太厚, 口感不太好..2) 抄聖子, 味到很好, 但有小小沙....3) 蒸魚頭 - 呢個好好味...I LIKE.......份量又多.....4) 蠔仔粥 都好大煲, 二個人食好像多了一點, 味到很好. 蠔又夠大粒和數量也不小...我想是由於黃竹坑選擇不多, 所以這天店了很多人, 唯一美中不足是, 他們沒有開TV, 所以我地食完就好快走........! 聰明的店主!!

1. 砵酒基圍蝦>>> 無酒味, 味淡, 蝦不算新鮮, 差2. 豉椒炒蜆>>>>蜆細, 肉少, 殼多過肉, 差3. 椒鹽瀨尿蝦>>>>>蝦唔入味, 亦無鮮味, 椒監炒得差, 竟然有一舊大粒監沒炒散, 馬虎, 差4. 蒜泥蒸扇貝>>>肉細到同小蜆差不多size, 差5. 清蒸膏蟹>>>> $220一隻, 膏少得可憐, 可以話幾乎無, 而且吃到感覺是剛死了才拿去蒸給我們, 太狡猾, 差6. 椒絲腐乳通菜煲>>>>只有半煲, d疏菜價唔係咁貴啫, 賣到$48一個小菜價錢俾得半煲, 個煲已經細, 有d過份, 差7. 生炒骨>>>>叫左好耐都未到, 追左幾次, d伙計都跟本無追過, 個事頭婆重話張卡有寫到呀, 我夠知喇, 寫左同無到係兩回事, 結果d飯都等到凍晒都未 黎, 叫取消, 佢就第一時間應承, sorry都無句, 埋單

雖然早幾日先食過, 但係我又身痕想食海鮮, 所以我嘅腳步又不由自主咁咗去發記。因為正如我之前所講一樣, 發記真係南區最好而又開得最夜食海鮮嘅好地方。去到呢次就無咁好運, 因為今晚全塲爆晒, 好彩(定唔知係唔好彩)今次我都係一個人去, 而侍應又認得我, 所以就叫我搭枱, 我無問題, 我只係唔想等位啫, 況且咁耐都無搭過枱, 間中一次又有咩所謂呀!?幾得意呀, 話晒N年無試過。今次我就想食其他嘢, 所以就叫咗個砵酒蒸基圍蝦、一個粉絲蒸天使蚌同一個上次令我回味無窮嘅白灼三寶。1)白灼三寶---味道同質素如何, 我就唔再多講啦, 上次已經講過, 令我可以再食嘅嘢, 我唔敢話係人間美味, 但係一定唔會差得去邊!!!2)砵酒蒸基圍蝦---呢個係我好想食、但係一直無機會食到嘅!!!因為唔係賣晒就係無貨。今次難得有, 我當然立即叫一個嚟食下。一嚟到, 非常香嘅砵酒味，咁嘅煮法食落令到啲蝦好甜，而且估唔到基圍蝦嘅頭都會有膏, 但係唯一美中不足係啲基圍蝦好幾隻唔夠新鮮；喺我食嘅期間,我諗到下次食呢個煮法時, 可以俾多少少錢用海中蝦或花竹蝦嚟整，我相信效果會比基圍蝦好至少10倍。3)粉絲蒸天使蚌---恕我見

唔想去咁遠、但係又想食海鮮同小炒, 所以就諗起去屋企附近鴨脷洲嘅發記, 而且, 呢度一過咗夜晚10點就會有特價嘢食推出, 真係啱晒我呢啲夜鬼!去度咁啱有一張細枱, 唔駛等, 正! 今晚得自己一個人食, 就食下平時唔係咁多機會食嘅豬膶先, 叫咗個白灼三寶:即係有墨魚、豬膶同鵝腸, 再叫多個蟶子皇, 喺入嚟前見到大大隻先$18蚊隻, 抵!!!兩樣嘢好快送到, 當然唔少得支啤酒送飯啦! 一食個蟶子皇, 好新鮮, 啲肉好彈牙, 唯一唔夠正係個豉椒汁唔夠惹味, 都係嗰句, 金山做呢個餸最好食! 再食下個三寶, 嘩!正呀! 所有嘢都灼到啱啱熟就送上枱, 墨魚夠新鮮、豬膶唔會<鞋>口又好味, 而個鵝腸就非常爽口, 三様嘢點個辣椒豉油, 再呷一啖啤酒, 正到震!!!雖然一個人食, 但係都唔太夠飽, 所以就叫咗四隻果皮蒸鮑魚, 又係好有效率咁快快送到, 呢個又係四個字形容: 新鮮彈牙!中國人真係叻, 諗到用果皮<吊>起鮮鮑魚嘅味道!!!最後, 都係意猶未盡, 見到特價嘢度有個只係$32蚊嘅豉椒炒蜆, 所以都係忍唔住口叫住一碟, 幾好, 由份量睇嚟無話因為特價而少咗, 食落

看雜誌介紹,鴨脷洲有檔抵食海鮮叫發記,心中馬上盤算星期六去試一試.小店並不難找,不過泊車有點困難,很奇怪附近有一停車場,明明可以泊廿部車,但只泊了十部車就話已經泊滿,結果只好冒著被抄牌之險泊街.去到發記才6:30,時間尚早小店並未爆滿,但已經要安排我們坐分鋪.想來主鋪應該是留來做大枱的.不過還未滿座就安排客人搭枱,顯得有點兒小器,反正枱都是空著,店方又沒有鋪枱布,讓早來的食客先分枱坐坐,我想也沒關係吧!食物水準是不錯的,而且價錢也實在平,當晚我和女朋友還未餓,只點了三樣海鮮試試.豉椒炒蟶子--以HKD58一份例牌來說,份量還真不少.豉椒惹味,蟶子不算很大隻,但味道鮮甜而且啖啖肉,令人吃得滋味.缺點是分鋪離廚房有一點遠,端來時已有點涼,蜑家吊桶--HKD68一份,相對於蟶子而言,這道吊桶就比較細碟.吊桶泡油後以豉油和蝦醬炒至乾身,吃入口時有點焦香,嗜鹹的女友大呼好味,對我而言則有點兒過鹹.尤其係魷魚鬚的部份,索了汁且收乾身,鹹得有點像在吃金龜嘜魷魚絲.建議叫一碗白飯來送,可惜發記沒有潮州粥,否則效果更佳.煎鹹青根--HKD48三小條,青根魚在街市買的話是超平的,一般用來滾湯.發記把青根加