Video
Read full review
2008-06-11
9 views
今次帶我妹去南翔饅頭店試食。因為之前幾次晚飯時間 ( PM 7:20 - 9:30 ) 去都要等餐勁，所以今次 PM 6:45 就到達現場諗住唔洗等位啦．．．點知去到已經有一大班人响到等緊哪！唔係掛．．．彭彭聲走埋去攞張６人檯，輪候號碼１１，入坐號碼到４號，即係要等７張中檯至入得．．．咁早去攞位都要等？死未！不過今次都算等得唔耐哪，因為等左一個鐘都未夠 ( PM 7:35 ) 就有得食哪！ 入坐之後，可以先選擇你所喜愛既茗茶，而本人認為最好飲既係 "貢品杭菊"，因為茶味清淡得黎有好香既杭菊味道，正～ 茶錢 $8 位 。以下就係今次所點既菜式：１) 蟹肉小籠 $58 ( 6隻 ) ----- 皮唔厚亦唔算特別薄，也不易爛。肉質味道ＯＫ唔腥，湯汁有肉味。但包頂麵粉太多，上枱時又不是太熱，但比蟹黃小籠好食。２) 糯米燒賣 $20 ( 4隻 ) ----- 今次糯米唔夠香，比較濕，欠小許乾身。３) 南翔糟雞 $50 ----- 雞嫩滑，與醉雞無異，紹興酒酒味香濃。４) 酸辣湯 $52 ( 例 - 份量約4碗 ) ----- 酸味適中，冇辣味，醋味濃郁，用料唔夠，用醋方面唔係一般上海鋪用既醋，
因為之前幾次晚飯時間 ( PM 7:20 - 9:30 ) 去都要等餐勁，所以今次 PM 6:45 就到達現場諗住唔洗等位啦．．．點知去到已經有一大班人响到等緊哪！唔係掛．．．
彭彭聲走埋去攞張６人檯，輪候號碼１１，入坐號碼到４號，即係要等７張中檯至入得．．．咁早去攞位都要等？死未！
不過今次都算等得唔耐哪，因為等左一個鐘都未夠 ( PM 7:35 ) 就有得食哪！
入坐之後，可以先選擇你所喜愛既茗茶，而本人認為最好飲既係 "貢品杭菊"，因為茶味清淡得黎有好香既杭菊味道，正～
茶錢 $8 位 。
以下就係今次所點既菜式：
１) 蟹肉小籠 $58 ( 6隻 ) ----- 皮唔厚亦唔算特別薄，也不易爛。肉質味道ＯＫ唔腥，湯汁有肉味。但包頂麵粉太多，上枱時又不是太熱，但比蟹黃小籠好食。
２) 糯米燒賣 $20 ( 4隻 ) ----- 今次糯米唔夠香，比較濕，欠小許乾身。
３) 南翔糟雞 $50 ----- 雞嫩滑，與醉雞無異，紹興酒酒味香濃。
４) 酸辣湯 $52 ( 例 - 份量約4碗 ) ----- 酸味適中，冇辣味，醋味濃郁，用料唔夠，用醋方面唔係一般上海鋪用既醋，如無意外會係大閘蟹醋。
５) 四喜烤夫 $36 ----- 烤夫都幾入味，甜的麵根，有筍片，毛豆，冬菇，味道唔錯。
６) 鎮江肴肉 $44 ----- 入口感覺與肉眼所見既唔一樣，口感清爽，唔會有好漏既感覺。
７) 風味香辣雞 $52 ----- 比上次食冇咁鹹，今次雞肉大件左同食唔到雞骨碎，辣椒絲夠辣。
８) 鮮肉小籠 $33 ( 6隻 ) ----- 皮薄，鮮肉味夠，湯再多小小會好Ｄ，夠熱。
９) 薑茶寧波湯丸 $18 ( 4粒 ) ----- 薑茶夠辣，芝麻餡，皮滑，不厚不薄，大小亦適中。
整體既食物質素算唔錯，環境同服務態度比之前幾次好咗 ( 應該係因為而家店舖會俾客人填寫意見紙有關 )。但係食物味道掌握未見平均，因為每次食物既製作水準都好唔同，好難評論。上菜時間亦唔須要等太耐，地段黎講價錢算貴。
如果以我本人意見認為：
食物味道比較濃，食物質數不算穩定，服務態度仍需改善。
Post