潮窩 (Closed)

開張大約幾個月，見食評讚，所以黎試食。果然好好味！之前喺澳門食過卜卜蜆，諗住香港未必有得食，點知呢度有！叫左卜卜蜆鍋，勁正！啲蜆清甜冇沙！之後再落湯打邊爐，啲材料都好新鮮好靚，肥牛、豚肉都好好味，呢度有芝士獅子狗，超好味！仲有紫菜響鈴，特別之餘又好味！佐酒小食一樣美味！服務態度亦好好，坐得又舒服，又唔會趕你走，又多鍋選擇，真係一個理想嘅打邊爐之地！帶過好多朋友黎，個個都讚不絕口。我而家經常都黎幫襯。