新記芝士麵 (Moved) New Location

其實之前喺未搬舖嘅舊址都有食過。自從由佢地fb page得知一月搬左舖之後，今日終於有機會光顧一下。面對通漲貴租嘅大洪流，加價係在所難免架喇，最重要係保持到食物質素，好過有啲餐廳無加價但份量少左或者難食左吖。雖知道新記係用芝士汁撈公仔麵嘅始創，食芝士麵唔去新記仲去邊度吖？另外留意到餐牌似係搵設計師精心設計過，好有專業水準，亦都多左好多新菜式選擇。由於營業時間延長左，晚市仲特別加推中菜套餐㖭。如果下次再黎會試下芝士麵以外嘅嘢。最正嘅係卡位闊落，比其他大集團茶餐廳更舒服。