一食鍾情

Open Now

Now Closed

滷水嘅料理真係好好食，特別係滷水鵝加埋佢嘅醋之後，就更加正啦。我叫左滷水鵝下莊，鵝肉鮮嫩肥美，滷得剛剛好。而滷水豉油乳鴿，啲鴿肉多汁，滷得入味，散發出濃郁嘅豉油香味。仲有餐廳嘅招牌滷水燻蹄，想食多啲可以叫例牌想食少啲嘅話叫一份小食都唔錯，好香好肥美。如果想食魚嘅話，晚市只需$88就有半條凍烏頭，會有糖水，老火湯熱飲同飯等等。唔想食飯嘅話，亦可以額外叫一碗米線或者米粉。而且店員嘅服務都好好，食完嘅時候，佢會直接問你需唔需要上糖水。