阿明印尼餐廳 (Closed)

之前食過一次阿明既加多加多沙律好地道，所以今次黎翻兜食其他野因為要留肚去食無名格仔餅，所以今次好克制地只係叫左一人一款食物同一杯飲品~飲品先上枱，左邊係綠豆冰右邊係熱甜茶~綠豆冰只係有少少甜，感覺好清爽，岩哂夏天用黎消暑甜茶就係（印尼?）茶包茶再自己落糖，冇乜幾可會剩係加糖落熱茶飲用，感覺有少少怪但味道都ok既 黃薑飯 ，好香又好豐富既一碟飯，基本上咩料都有齊哂，有惹味既巴東牛肉同好入味既茄子， 鹹鹹地又香口既花生同魚乾仔，面頭有pat辣醬既半蛋，脆口既印尼蝦餅同埋解膩既 酸青瓜絲 壓軸既係超好味既手打撈麵，又係勁多餸既一碗呀，有叉燒，炆豬肉，雲吞，蝦餅，魚蛋，豬皮。咁多款餸我都覺得唔錯（但雲吞在那? 可能漏加了），但最好味既係個手打麵❗個麵有d似竹昇麵，好爽口彈牙但又完全冇鹼水味，加埋d少少酸酸地既汁好引人食慾，雖然天氣頗熱但碗麵令我胃口大開