Video
Read full review
2024-01-05
261 views
應友人邀約嚟半山食晏，朋友想食咖喱，帶咗我嚟堅道呢間新開嘅印度餐廳「CHASKA」。店舖主打傳統正宗印度料理，室內裝潢頗有特色，採用西式酒吧風格作設計，燈光柔和，座位舒適，營造出輕鬆用餐環境。餐廳平日午市有套餐供應，定價由 $99-$119 不等，包沙律、前菜、主食、烤餅或印度香米飯，另外亦可以加錢配汽水、印度香料茶或生啤等。我哋每人點咗一份午餐，涼拌沙律用料很清新，以紫洋蔥及椰菜炮製，入口酸酸辣辣，非常醒胃。前菜 Chicken Tikka 味道亦唔錯，雞肉燒得又香又嫩，火候控制得啱啱好。Dilliwale Butter Chicken 牛油咖喱雞 ($109) 雞件炆得非常入味，肉嫩又唔嚡口，咖喱濃稠順滑，味道温和，帶牛油和香料香，但又唔會太搶，配雞肉吃，啖啖滋味。Mutton Saagwala 菠菜咖喱羊肉 ($119) 羊肉肉質非常鬆化，入口嫩滑不羶。咖喱帶少少香辣，綠色菠菜蓉令羊肉增添咗一份獨特嘅清新感。印度米飯口感極佳，外型扁而細長，入口蓬鬆柔軟；烤餅煙韌軟熟，熱辣辣又散發麥香，同咖喱汁簡直係絕配！餐飲點咗Masala Ginger Tea ($20) 同 汽水 ($2
應友人邀約嚟半山食晏，朋友想食咖喱，帶咗我嚟堅道呢間新開嘅印度餐廳「CHASKA」。
店舖主打傳統正宗印度料理，室內裝潢頗有特色，採用西式酒吧風格作設計，燈光柔和，座位舒適，營造出輕鬆用餐環境。
餐廳平日午市有套餐供應，定價由 $99-$119 不等，包沙律、前菜、主食、烤餅或印度香米飯，另外亦可以加錢配汽水、印度香料茶或生啤等。
我哋每人點咗一份午餐，涼拌沙律用料很清新，以紫洋蔥及椰菜炮製，入口酸酸辣辣，非常醒胃。前菜 Chicken Tikka 味道亦唔錯，雞肉燒得又香又嫩，火候控制得啱啱好。
Dilliwale Butter Chicken 牛油咖喱雞 ($109) 雞件炆得非常入味，肉嫩又唔嚡口，咖喱濃稠順滑，味道温和，帶牛油和香料香，但又唔會太搶，配雞肉吃，啖啖滋味。
Mutton Saagwala 菠菜咖喱羊肉 ($119) 羊肉肉質非常鬆化，入口嫩滑不羶。咖喱帶少少香辣，綠色菠菜蓉令羊肉增添咗一份獨特嘅清新感。
印度米飯口感極佳，外型扁而細長，入口蓬鬆柔軟；烤餅煙韌軟熟，熱辣辣又散發麥香，同咖喱汁簡直係絕配！
餐飲點咗Masala Ginger Tea ($20) 同 汽水 ($20)，印度香料奶茶 奶味和茶味都非常出眾，入口帶淡淡薑辛，非常暖胃。
Post
