爵樂印度餐廳 (Moved) New Location

經印度朋友介紹， 一試這家位處尖沙咀的傳統地道印度菜館。 星期五晚上坐下坐下都full曬。 餐廳佈置富有傳統印度特色， 座位寬敞舒適，waiter/ress 一律都是印度人， 一進去便恍如置身於印度小社區很有印度風味！看看餐牌， 這間餐廳主打羊肉，雞肉及海鮮， 因不吃羊肉及生怕咖哩海鮮唔夠鮮嘅關係， 一行二人的我們點了兩度雞肉精選。黎都食印度菜點少得正宗印度燒烤， 這度炭燒雞柳， 入口鬆軟有淡淡的炭燒味， 印度香料醃製配傳統醬汁， 食起來很惹味， 用嚟送印度烤餅也是一流。洋蔥紅茄香汁燴雞球(瑪莎拉), 瑪莎拉用勁多香料製作， 入口層次分明， 芳香撲鼻， 雞肉 非常入味， 惹味而不油膩， 重點是可以用來點印度烤餅， 食慾大增。兩款烤餅中， 千層印度麥餅看上去比較油膩， 但吃落去鬆軟無比， 用嚟點瑪莎拉 確實一流！印度燒烤包， 看似乾身， 但入口煙煙靭靭又鬆軟， 熱辣辣， 口感享受程度，比那千層印度麥餅有過之而無不及。