Rasoi 傳統印度菜 (Closed)

好耐無食過印度菜，今日特登去到大角嘴呢區食印度菜，由印度人親自煮理，應該有返咁上下質素。素菜咖哩角，外皮炸得幾香脆，內裡嘅餡料唔算太辣，咖哩薯仔同青豆夠惹味，可以配以適量嘅青豆醬，效果亦唔錯。如果覺得辣嘅朋友，都可以叫杯芒果奶昔，清新鮮甜，可以中和一下口腔嘅微辣感。另外兩款肉食都值得推介。傳統嘅印式串燒雞肉，雞肉夠晒嫩滑，肉汁亦豐富，加些少酸甜醬，令人胃口更開。而鐵板羊鞍，以各種香料醃制之後，味道係極之惹味，最正嘅係羊鞍無咩羶味，令人更可以大啖大啖咁食。