Video
Read full review
2020-10-22
153 views
平時吃得多粥、粉、麵、飯，都想轉一轉口味。吃什麼好? 靈光一閃 – 咖喱 – 又如何?當然是goodidea 啦!今晚捉咗個friend陪去咗油麻地嗰頭，搜尋到一間印度咖喱屋。餐廳雖細，裝修企理光猛，仲置咗個小型酒吧位，確是麻雀雖小五臟俱全。食印度餐，必食的就是 Naan 同埋咖喱，所以，沒徵求個friend 的意見，就已經決定點【蒜香烤餅 Garlic Naan】同埋【香滑白咖喱牛腩 Beef Korma】。其餘的菜式就交咗個friend 去揀。佢揀咗 【瑪莎拉大蝦】、【蝦醬通菜】。仲有，佢驚啲嘢食會太辣，所以叫埋啤酒飲。啤酒好抵飲，大樽青島 640 ml都只是$25，第時想出街飲啤酒，呢度絕對可以考慮。其實，呢度都好體貼，好照顧啲怕食辣的客人，辣度是可以選擇少辣、中辣和大辣。今次我哋就只是選了少辣。主菜未上，餐廳就先送上薄脆餅配薄荷醬，邊吃薄脆餅，邊飲冰凍啤酒，感覺超爽。不多久，所有嘢食都一次上來，仲砌成朵花咁，好盞鬼!【蒜香烤餅 Garlic Naan】正辣辣，軟得嚟又帶點煙韌，又有蒜香味。點埋咖喱汁仲正!【香滑白咖喱牛腩】咖喱汁很香濃，但唔太辣，適合我哋的口味。牛腩煮得好腍，好
當然是good
idea 啦!
今晚捉咗個friend陪去咗油麻地嗰頭，搜尋到一間印度咖喱屋。餐廳雖細，裝修企理光猛，仲置咗個小型酒吧位，確是麻雀雖小五臟俱全。
食印度餐，必食的就是 Naan 同埋咖喱，所以，沒徵求個friend 的意見，就已經決定點【蒜香烤餅 Garlic Naan】同埋【香滑白咖喱牛腩 Beef Korma】。其餘的菜式就交咗個friend 去揀。佢揀咗 【瑪莎拉大蝦】、【蝦醬通菜】。仲有，佢驚啲嘢食會太辣，所以叫埋啤酒飲。
啤酒好抵飲，大樽青島 640 ml都只是$25，第時想出街飲啤酒，呢度絕對可以考慮。
其實，呢度都好體貼，好照顧啲怕食辣的客人，辣度是可以選擇少辣、中辣和大辣。今次我哋就只是選了少辣。
主菜未上，餐廳就先送上薄脆餅配薄荷醬，邊吃薄脆餅，邊飲冰凍啤酒，感覺超爽。
不多久，所有嘢食都一次上來，仲砌成朵花咁，好盞鬼!
【蒜香烤餅 Garlic Naan】正辣辣，軟得嚟又帶點煙韌，又有蒜香味。點埋咖喱汁仲正!
【香滑白咖喱牛腩】咖喱汁很香濃，但唔太辣，適合我哋的口味。牛腩煮得好腍，好好食。
【瑪莎拉大蝦】蝦雖然不是很大隻，但勝在新鮮，肉質爽彈。瑪莎拉汁係好濃味的，但卻沒有掩蓋的鮮味。當然，將Naan點上瑪莎拉汁是必然的吃法。
【蝦醬通菜】有點似中式的炒通菜。通菜沒有炒老，吃起來又腍又爽脆，原來印度餐廳炒通菜都有一手。
埋單三百鬆啲，都很經濟實惠，直得推介。
Post
