Video
Read full review
2021-02-12
1753 views
❀ 廚魔 #灣仔 ❀❗️印象最深米芝蓮二星 香港懷舊味道分子料理❗️——————————————————聖誕節嚟到呢間位於灣仔嘅米芝蓮二星餐廳慶祝(拖延症發作)，每道菜都十分有水準，食到讚不絕口，到而家依然係我心目中暫時最出色嘅米芝蓮餐廳，超級極度大力推薦💖大廚Alvin Leung擅長用高超嘅技術將香港味道以分子料理呈現，每道菜都超乎所想，定期會更換主題Menu，而當時當然就係以聖誕作為主題🌟。.餐廳只有一層，裝修感覺較為新派，但又夾雜着一啲古舊嘅畫作裝飾，碗碟方面都保留傳統中國嘅設計，亦喺唔少細節保留咗香港嘅特色 e.g.獅子山嘅輪廓🤩。.本身揀咗午市五道菜$800，但可能因為當時冇晚市，職員當日同我哋講只要加$400就可以食到13道菜嘅晚市Menu，原價$2380，見到咁抵即刻轉咗做晚市Menu，好彩有轉咗，真係非常出色❣️！.開始前，侍應會用香港第一個本土化妝品品牌雙妹嘜花露水倒落紙巾上供你抹手，fancy得來有回應咗懷舊香港嘅主題☺️之後每上一道菜，侍應都會作詳細介紹，有別於我對分子料理嘅理解，並唔係單單煙、泡，而係用精湛嘅技術，將平時熟悉嘅味道以新奇嘅外貌呈現，同時間令到味道更加昇
❗️印象最深米芝蓮二星 香港懷舊味道分子料理❗️
——————————————————
聖誕節嚟到呢間位於灣仔嘅米芝蓮二星餐廳慶祝(拖延症發作)，每道菜都十分有水準，食到讚不絕口，到而家依然係我心目中暫時最出色嘅米芝蓮餐廳，超級極度大力推薦💖大廚Alvin Leung擅長用高超嘅技術將香港味道以分子料理呈現，每道菜都超乎所想，定期會更換主題Menu，而當時當然就係以聖誕作為主題🌟。
.
餐廳只有一層，裝修感覺較為新派，但又夾雜着一啲古舊嘅畫作裝飾，碗碟方面都保留傳統中國嘅設計，亦喺唔少細節保留咗香港嘅特色 e.g.獅子山嘅輪廓🤩。
.
本身揀咗午市五道菜$800，但可能因為當時冇晚市，職員當日同我哋講只要加$400就可以食到13道菜嘅晚市Menu，原價$2380，見到咁抵即刻轉咗做晚市Menu，好彩有轉咗，真係非常出色❣️！
.
開始前，侍應會用香港第一個本土化妝品品牌雙妹嘜花露水倒落紙巾上供你抹手，fancy得來有回應咗懷舊香港嘅主題☺️之後每上一道菜，侍應都會作詳細介紹，有別於我對分子料理嘅理解，並唔係單單煙、泡，而係用精湛嘅技術，將平時熟悉嘅味道以新奇嘅外貌呈現，同時間令到味道更加昇華🔥！
.
✷𝑀𝑒𝓃𝓊✷
☞ Truffle and Caviar Feast 2020 $1200pp (discounted, original $2380)
因為佢哋嘅Menu會定期轉換，所以我當時食到嘅款式同而家嘅不盡相同，只供大家參考。
♥ Child’s Play
雖然係頭盤，但應該亦係佢哋最signature嘅一款🌟！
以兒時玩意作為主題，有棋類、「雞蛋仔」等，一見到仲以為係幾道唔同嘅菜式，點知原來都係child’s play，好抵食！
分別有包住南乳鵝肝嘅糯米糍、脆炸火雞皮包薑粉火雞內臟、腐乳味雪糕配爽口辣梨、脆皮魚子、辣味泡芙、一口爆汁小籠包。
全部味道都非常新奇，但又非常夾，多種層次喺口腔度爆發出嚟真係好出色😆！
Child’s play
86 views
0 likes
0 comments
.
♥ Oyster in Red
有趣嘅一點係佢哋會擺成樽女兒紅伴碟，冇實質嘅用途，但增添少許玩意🤣。
用上爽滑法國珍珠蠔，配紅桑子醬、蕃茄清湯及女兒紅製成嘅冰粒，酸酸甜甜，涼涼地，極度清新，非常高質嘅開胃前菜☺️！
Oyster in Red
97 views
0 likes
0 comments
.
♥ Soul Food
賣相相對簡單但係我其中最愛嘅一道💕！
極度嫩滑嘅銀鱈魚，包住好香嘅黑松露鵝肝，入口即溶，係我暫時食過最出色嘅鵝肝🥳。
再配上黑松露片、淮山片，最後以醬油昆布汁調味，味道一流！
Soul Food
92 views
0 likes
0 comments
.
♥ White Christmas
進化版日本流心蛋🍳！
用帶子製成薄衣，一切開，啲蛋醬湧現出嚟。
配上西藏黃牛芝士汁、白松露，係個味道相對香濃嘅一道🧀。
覺得呢個相對冇咁出色，個芝士汁有啲膩，同普遍嘅芝士醬差唔多。
White Christmas
37 views
0 likes
0 comments
.
♥ King Abalone
唔係原隻鮑魚，而係切片咁😯。
配上一大堆魚子醬，鮮味十足。
最正係pat綠豆蓉，綠豆同牛油各佔50%，香滑到不得了，比起一般薯蓉更出色🥰！
Kong Abalone
255 views
0 likes
0 comments
.
♥ Christmas Spirit
將外國mulled wine嘅概念帶入，但用上本地gin🍺。
自己一向唔好飲酒，所以唔太識評論，但係都算幾易入口，甜甜地幾好飲。
Christmas Spirit
148 views
0 likes
0 comments
.
♥ Chinese Santa Sleigh
用上鹿肉製成嘅慕絲，真係第一次食😳。
打到溶爛，唔會食到鹿肉嘅口感，相反有少少似鵝肝。
加咗粒甜甜地嘅紅菜頭波、蘑菇，成個配搭非常特別！
Chinese Santa Sleigh
125 views
0 likes
0 comments
.
♥ Beef in a Manager
算係咁多道菜當中相對普遍，但烹調出色。
用澳洲和牛，係真係入口即溶🤯！
配上蟲草花、牛肉燒汁，令到牛味更加突出。
Beef in a manager
80 views
0 likes
0 comments
.
♥ Left Over Turkey
最後一道鹹食，係個粟米蘆筍火雞湯飯，相對普通🙈。
不過店員會即席刨鮑魚片乾，為個湯飯增添少少鮮味。
.
♥ North Star
終於嚟到甜品，其實已經極度飽😂。
覺得甜品整體冇鹹食咁突出，但都好好味。
首先係白桃sorbet，配楊桃脆片、楊桃粒，清新解膩。
North Star
58 views
0 likes
0 comments
.
♥ No Shark Fins
跟住係用啫喱條製成嘅偽魚翅甜品。
味道主要為南北杏汁，略嫌有啲似杏仁霜嘅味道，自己唔係太接受到🙈。
No Shark Fins
49 views
0 likes
0 comments
.
♥ Birth of the Messia
呢個好食到不得了😍！
自己本身都好鍾意食麵包布甸，呢個係一個昇華版本。
可愛地用baby food樽裝住，內裏係加入咗Rum酒嘅麵包布甸，仲有焦糖、提子乾、松子仁。
暖粒粒咁呈上，好味到冇得頂😆！
Birth of the Messia
77 views
0 likes
0 comments
.
♥ True 8
最後呢個同第一個有啲似。
不過今次就係車厘子泡沫，再配上甜醋釀梨、栗子白酒，同一塊富有聖誕節氣息嘅印度茶餅。
自己對於呢啲一少pat嘅甜品冇乜太大嘅喜好😶不過個車厘子味道唔假，而且口感嘅層次都豐富。
另外亦呈上咗一樽甜醋做裝飾，都幾搞笑。
True 8
78 views
0 likes
0 comments
——————————————————
✨整體味道: 4.9/5
✨環境裝修: 4.2/5
✨服務態度: 4.5/5
✨性價比: 4.8/5 (discounted)
✨再訪興趣: 4.3/5
.
💞整體來講
真係超級好味，每道菜都極有驚喜，箇中味道、口感嘅層次非常豐富，成個Menu就好似呈現緊一個故事咁，係我暫時最愛嘅米芝蓮餐廳💖而且好欣賞餐廳堅持保留香港傳統嘅味道，亦用上好多香港傳統特色物品，但同時間又加入咗大廚自己嘅創意，非常有心思，極度推薦大家要試！
Post
