鋿晶館

Open Now

Now Closed

食物好有驚喜！點心好有水準，每一款都係即叫即做，食材新鮮，味道一流。咱家脆皮蝦多士：一上枱就聞到陣陣香味，咬落去外脆內嫩，蝦膠鮮甜，配埋脆脆嘅多士，真係一流！月半彎晶瑩鮮蝦餃：個皮晶瑩剔透，蝦肉大大隻，咬落去啲汁即刻爆出嚟，口感彈牙，好滿足。黑松露北菇燒賣皇：絕對可以錯過！燒賣大大粒，北菇同黑松露嘅香味完美融合，每一口都充滿層次感。花膠螺頭燉赤肉湯：湯底清甜，花膠同螺頭煲得好入味，赤肉嫩滑，滋補養顏。脆炸北海道牛奶：呢個甜品好特別，外層炸得金黃酥脆，內裡嘅牛奶滑溜溜，甜而不膩。脆皮銀蘿腸：外皮炸得香脆，內裡嘅蘿蔔絲清甜爽口，配埋腸粉，一軟一脆，口感相當好。蒜香蝦春卷：春卷皮炸得好脆，內裡嘅蝦肉鮮甜，仲有蒜香味，好開胃。生炒骨：呢個係我同老公嘅最愛，生炒骨炸得外脆內嫩，酸甜嘅醬汁好開胃，加多碗飯應該仲正！