串燒殿 (Closed)

【尖沙咀】串燒殿天氣一凍，就會抵受唔住串燒嘅誘惑🙈。呢間位於尖沙咀金巴利道嘅串燒殿，主打港式串燒，款式多而且即叫即燒，仲有涼拌小菜、暖胃主食、甚至甜品，非常吸引啊～🤩✨ 燒超惹味雞泡魚干 $48 （必食😍）燒雞泡魚干每次只要見到有我都一定會嗌😝，口感煙韌，而經燒烤後油香味再一步逼出嚟，熱辣辣再加埋蛋黃醬一齊食超正～✨ 蒜蓉扇貝帶子 $38 （必食😍）✨ 燒蒜蓉粉絲蟶子皇 $58（必食😍）估唔到燒海鮮咁大隻!!扇貝燒得剛好，貝柱位置鮮嫩彈牙。另一面隻蟶子仲長過我手掌，鮮甜爽口，上面仲放咗啲粉絲，吸晒蒜蓉同蟶子嘅鮮味🤤✨蒜蓉燒茄子 $38食串燒點可以唔嗌下啲蔬菜，舖滿蒜蓉嘅燒茄子，望到都流口水～將茄子肉連埋蒜一梳梳咁撕出嚟食，好正啊喂😆✨ 吉列炸蠔（6粒）$68✨ 燒雞皮串 $26/2 ✨ 燒韭菜 $14燒韭菜上面落咗辣粉孜然粉，香辣惹味。香脆可口嘅燒雞皮～鍾意食肥膩野唔好錯過。✨ 燒惹味小饅頭 $22落咗味粉而且燒到脆卜卜咁，平時少食饅頭，但呢個可以一試。（我點咗少少沙律醬一齊食發覺仲正！）👉🏻食串燒一定要趁熱食先有風味，我嘅心得係如果有好多嘢想食，就分開幾次咁點餐，咁就可以食到最好味