功夫點心 (Closed)

逢星期一至五，公眾假期除外，8-11:30AM 或 2-5:30PM時，包括茶位，所有食品都8折，仲唔駛加一。點心即叫即蒸，如人少，其中功夫蝦餃皇和蟹籽香菇燒賣可以叫少些:2隻起，等咗10多分鐘，蝦餃真係好大隻，薄皮下是全部大大隻爽脆的蝦，平均$7.2/隻，吃得好滿足。燒賣一樣都相當大大粒，蝦、豬肉碎混和，咬落彈牙。北菇棉花雞，大塊魚肚2片，但較韌。雞肉入味軟滑。質素不比酒樓差，且唔駛加一，幾化算。