丼造

Open Now

Now Closed

每個星期總會有一日係唔煮飯嘅，所以今日放工行過呢度，就想試吓佢哋嘅魚生飯。1）七色魚生丼 $168七色魚生丼，啲魚生得唔得，我主要就係試佢哋嗰塊三文魚、油甘魚，同埋海膽。因為呢三樣嘢新唔新鮮係最容易試得出嘅。三文魚顏色好靚，好新鮮；油甘魚冇筋，易入口；海膽一啲都唔腥臭，非常鮮甜所以，呢個七色魚生當係性價比非常高！2）極上粒粒魚生丼 $158呢個粒粒魚生飯真係一個高級版，因為有海膽呀！！海膽個份量仲要係好慷慨嘅份量啊！呢個海膽都係非常之新鮮，而且係以三文魚粒、油甘魚粒、三文魚子，同埋蟹籽為主打嘅魚生飯，口感豐富 。跟套餐係有一個新鮮嘅蔬菜沙律（配黑醋汁），同埋飲品。飲品可以揀汽水或者湯。今晚我哋就+$15@轉個魚湯。魚湯非常之鮮甜，仲冇味精添。蔬菜沙律非常新鮮，仲要係跟黑醋汁，非常之健康。呢間魚生丼係即叫即製，連外賣自取嘅丼飯都係即叫即製，非常新鮮，所以外賣自取要等一陣都值得。店舖有少量座位可供堂食，店員都好親切殷勤。