不忘 (Closed)

舖面比較細，堂食得6-8個位左右，所以就叫左外賣番去慢慢食。嗌左套餐-有腸粉(揀左雞蛋+肥牛)同煎餃*4(揀左粟米豬肉)，外賣有9折，total $52。先講腸粉，望住佢即整，好用心，一大條切開有4小條左右，加左甜豉油，提升左個鮮味，未至於話咩上等佳餚，始終係平民菜式，我覺得都幾有家既味道。然後個餃，外脆內軟，入面都好足料，粟米好鮮甜，平淡是福既感覺。整體幾好，如果有時想食清少少可以過尼，價錢都好經濟。