小食快綫 (Moved) New Location

5-2-2009今天搭火車返到大埔既時候,覺得有些少肚餓。於是走左黎Snack Experss買炸魷魚鬚食。剛好賣完了一批炸魷魚鬚,於是要等店員即炸先有得買,幸好只係等了5分鐘就有新一批出爐了。一盒大概有七至八條,而且魷魚鬚係用盒裝著,不用拎到成手油,店員亦都好細心咁為個盒整穿一小角,令魷魚鬚不會焗到淋哂,抵讚!等巴士返屋企時食了一條,脆卜卜很香口,加了淮鹽的魷魚鬚味道不會過咸而且令魷魚鬚更加惹味,同埋脆漿亦不會過厚,唯一係稍為多油了少少。即使係返到屋企都仲係暖曖地,依然都係咁好味,所以話咁快就比人食哂了。買既時候仲見到炒麵同埋煎釀三寶既賣相好像很美味,下次也要試下先。不過最緊要地點就腳,好方便就可以買黎食。