季季紅風味酒家 (Closed)

係中環金鐘灣仔番工既朋友都知中午要搵食真係排隊排到七彩，唔係就貴到傻，食餐晏姐，洗唔洗等咁耐啊😭😭上星期三請同事食飯，一行十四人要係灣仔搵酒樓開餐唔係執得執就執就係好鬼死遠，聽朋友講元朗季季紅既禾米豬出名，所以就揀左黎灣仔呢間分店到食，我地叫左一隻禾米豬，$660又唔算好貴，十四人分一人都有兩件分到，豬就即燒既，熱騰騰的，肚入面既飯都好多雖然有點油，但都幾好味，豬頭同豬腳仔就打包番去煲粥，叫到成枱點心，埋單都係千一蚊左右，十四個人人頭都唔洗一百蚊有禾米豬食，都幾熱鬧開心既，請同事食飯一大班人不防黎呢度！