胡爐 (Closed)

朋友介紹呢間樓上邊爐唔錯，即管去試下係咪咁正先。因為得兩個人，所以冇叫火焰龍蝦煲。因淨食煲內的海鮮，都唔使叫其他野lu。所以今次決定試個四色煲：麻辣，芫荽，蕃茄 ＆ 沙嗲。麻辣煲唔太麻唔太辣，煲內有鴨血，味精尚可。芫荽煲內有豆腐，皮蛋，多芫荽。蕃茄煲內有薯仔，牛腩都算腍。沙嗲都惹味。麻辣＆沙嗲煲都有豬皮，入哂味。打邊爐料叫左牛拼盆（牛舌，牛胸爽，安格斯肥牛，極上牛頸脊）最特別係牛胸爽，因為唔係度度有，其他都一般。雲吞一般。淮山，萵笋新鮮的。桶蠔唔夠鮮甜。脆肉鯇尚可。梅菜肉丸梅唔錯，肉質稔，好香梅菜味。最正係炸物，老友鬼鬼，紫菜炸響鈴 ＆ 炸魚皮。都炸得好酥脆。炸魚皮尤其出色，好似食薯片咁。