意粉屋 (太古城中心)

Open Now

Now Closed

今日同老公去左意粉屋食晚餐，因為唔記得左訂位，所以都等位等左差唔多半個鐘。不過等位期間，侍應見到我係孕婦，都好主動咁問駛唔駛比將椅子我坐，唔單止咁，入到去，仲主動問駛唔駛比杯暖水我，呢種體貼既服務，真係值得一讚。先叫左一個唔蜜瓜風乾火腿伴意大利黑醋，，哈蜜瓜好fresh又夠哂健康，配埋風乾火腿，夾返小小咸味，一流!再叫左個煙肉大啡菇黑松露醬餅，餅底好鬆脆，黑松露醬又好香，加埋大啡菇，味道真係好夾好好味，大力推介。每次食西餐都會比芝士卡邦拿意大利粉吸引，今次都唔例外，即刨芝士再加香脆既煙肉，非常好味。今餐真係食得好飽好滿足。