喜膳燒

Open Now

Now Closed

朋友介紹話呢度嘅燒海鮮好大隻好新鮮，搞到我都忍唔住嗌返兩款嚟試吓！問咗店員佢就推介蒜蓉燒蟶子皇 $88 同埋 蒜蓉珍寶大扇貝 $78，其中我覺得燒蟶子皇特別有驚喜，佢哋隻蟶子足足有我前臂咁長！真係超誇張！蟶子非常厚肉，而且非常鮮甜，非常推薦大家嚟到都要人頭叫返一份！😋😋除咗海鮮之外，呢度嘅串燒都有好多唔同嘅肉類選擇，我哋今次就揀咗 海鹽燒王牌牛舌👅$58 、燒金菇肥牛卷🐮 $48、燒香甜車厘茄煙肉卷🍅 $32、鹽燒燒雞頸肉2串🐔 $48、沙嗲燒豬頸肉🐽$29、BBQ燒雞肉串 $29 、燒蜜糖雞中翼三隻$46，其中我最推介嘅一定係近來超鍾意嘅雞頸肉 同埋 蜜糖雞中翼，雞頸肉真係非常爽嫩，咬落去口感唔錯之餘，雞肉味都充足！另外佢哋嘅蜜糖雞中翼處理得好細心，會拆開成隻雞翼，務求令成隻雞翼都燒得透徹，而且佢哋拆開咗隻雞翼都方便我哋食！串燒除咗肉類同埋海鮮之外，當然都唔少得食返啲蔬菜中和下，我哋今次就揀咗牛油蒜蓉焗金菇 🍄‍🟫$49 、鹽燒清香翠玉瓜 🥒$26 、孜然燒韭菜 $22 、孜然燒四季豆🫛 $22 、燒虎椒🫑 $19！幾款嘅蔬菜入面，我最鍾意嘅就有翠玉瓜同埋四季豆！