卷福和他的朋友們 (Closed)

屋企人鐘意中菜，去上環揾食。媽咪話張嘉佳有好多餐廳，就話試卷福和他的朋友們。小龍蝦？自助餐？！入到去發現小龍蝦有好多煮法，除咗冰鎮，有辣炒有避風塘又有我地擇既甜酸小龍蝦，叫日式乾燒甜酸辣小龍，想開胃d蝦。無殼好方便同幾大肉，正，唔洗met。青春若是條不老的魚，其實係龍利柳花椒，叫左少辣花椒配菜絲。清淡同魚都好滑，份量好大。再食個心有甘的蟹黃魚丸，係蟹黃包係青魚肉入面，手工整所以形狀唔係好圓好大粒，一咬爆左少少汁。寂寞難耐的小家碧玉係佢地自己整既豆腐，上面有蔥，豆腐有少炸過，有茹係上面配汁，咸咸地好味，口感好林，內面好似玉子豆腐。要沙拉一下，牛油果三文魚，牛油果都有近半個，沙津菜好多配黑醋汁幻好，三文魚都okay。米榚又係有個特別名叫蘿蔔米糕裏我最愛的兩個男人，係用蔥蛋汁包住蝦米米糕煎，好香口，外有d脆，內好軟。依度d野食份量大，同濕紙巾分餐前餐後用，好貼心