大丼屋 (Closed)

買左飛響附近睇戲, 唔係好多時間但又想食埋飯先, 醒起楊屋道街市有間日式丼飯, 一於行幾步黎食. 電梯一上果層就係, 地方幾大, 又乾淨, 起碼唔會背貼背, 舒服D.燒牛肉丼定食D肉好澎湃, 滿滿咁鋪晒響飯面, 肉味濃又夠入味, 肉質夠厚有口感, 軟嫩唔韌, 片片都好大片, 所以食落比想像中快飽.個飯底係珍珠米, 撈埋D汁好好味. 定食仲有一兜小沙律同麵豉湯.另外要多款小食, 芝士蟹籽厚燒玉子, 蟹籽好多, 一食爆晒響口. 玉子厚滑, 蛋味香, 芝士唔算太芝, 清清地幾好.簡單丼飯已經好滿足, 而且唔算太貴, 份量OK.