鮮入圍煮花膠雞海鮮火鍋

Open Now

Now Closed

今日去厚福街打邊爐，諗住試吓佢哋個花膠雞湯。個雞湯$308 ，非常足料，有好多雞同埋沙滘，仲有隻大雞髀！侍應提我哋要先飲雞湯，之後先至落打邊爐嘅生料，因為落咗了之後個湯就冇咁好味。個湯非常之濃味，花膠同雞都好入味😋啲雞又好滑好大嚿，朋友都話好足料。我哋另外嗌咗烏冬、金菇、餃子同丸，兩個人都唔係好食得晒，因為冇諗過湯底已經咁多料。個貢丸都幾好食，夠彈牙。本身見佢40幾蚊都覺得有啲貴，不過係好食嘅！烏冬都好大個，又好滑，夾埋啲湯真係一流！同埋呢間舖好得意，一開始侍應就會捧一大盤醬料去你面前，俾你任揀同撈自己嘅打邊爐汁，都幾正😋有花生、蒜、蔥、辣椒等，朋友話辣椒都好夠味幾好食，所以食得辣嘅朋友都不妨試下～