元朗冰室

Open Now

Now Closed

今晚又要上堂，來到尖沙咀附近搵食，這間元朗冰室，賣點係厚豬扒，平日午飯時段好多人，也有旅客拖住喼喺門外大排長龍。今日趁早早地唔多人，入內坐低，原來未夠六點，仲有下午茶添，店內環境闊落，裝修主要是香港特色。呢一餐都算是一個晚餐，叫咗焗鮮茄豬扒飯，餐飲加三蚊凍奶茶。等咗一陣間，熱辣辣焗豬扒飯送到，香噴噴，肚餓好心急，剛剛焗起非常燙口，要小心！表面鋪滿芝士，溶咗好香好可口， 配料包括菠蘿、蕃茄及洋蔥，豬扒雖然厚切，但夠淋，也夠味，有口感得嚟不會韌。杯凍奶茶較為失色，唔夠茶味。餐廳仲有好多其他選擇。