Gram Cafe & Pancakes (Closed)

6點幾經過銅鑼灣世貿嗰個，個肚又少少餓， 又唔想食飯， 見到呢間好森系嘅甜品店，好似好吸引咁。原來係好出名嘅gram pancake , 咁入去坐底啦打開menu 見到每日限量20份嘅pancake, 問一問店員 , 等多一陣就有供應。 咁難得比我遇到，就食呢個啦。等左冇幾耐， 3塊好厚好香嘅pancake 就到啦， 配埋pancake 上面嘅牛油， 一旁嘅cream 同 糖漿， 即刻令人垂涎三尺。 我好鐘意個pancake 配cream , 好似scone 同clotted cream 咁， 要一齊食先食得出有幾正。 個cream 嘅牛奶香配埋pancake 嘅蛋香， 一流呀。而且個pancake 唔太甜， 食落一啲都唔漏。 至於個糖漿， 我試左少少， 好香嘅楓糖味。 不過我唔鐘意太甜， 所以我多數都會配cream 食。仲有個環境都好relaxing, 好舒服。