十三姨 (通菜街)

Open Now

Now Closed

喺旺角女人街兩旁好多食店，有選擇困難症既我面對呢個情況，通常都係有位就求其入一間，當然唔會選擇拍烏蠅既店啦。呢日就求其撞咗入呢間十三姨，諗住一個人食碗麵比較快手。入到去坐低，侍應就放一杯水、一杯餐前小食 (彩色蝦片)、一張QR code for 落單。題外話，旁邊既客人都係說國語的，唔通呢間店最近係受緊遊客熱捧既??? 我點咗一碗十三飛轉翠玉瓜麵拼粉絲同一杯凍柚子岩鹽雪碧碗麵上枱嘅時候係熱辣辣，入面有啲牛肋條、肥牛、有幾舊腸粉、翠玉瓜麵同埋粉絲啦，係好豐富同開心既，因為我真係好鍾意食有溫度既食物的。唯一美中不足既位就係侍應嘅面口都算係非常黑的，咁佢地又冇鬧人既，亦冇乜野要講 (QR code落單嘛)，不過一出門口就發現原來係我太幸運剛好到達就可以入座，好多人等緊位呢，所以應該好忙。