正九清湯腩 (砵崙樓)

Open Now

Now Closed

行過旺角想醫下肚，想平靚正又唔想食兩餸飯，粉麵就啱晒。見呢間主打清湯腩，牛腩仲可以揀崩沙腩/坑腩/爽腩，肥/瘦/半肥瘦，麵底可以揀米粉/河粉/擔擔麵/伊麵/上海麵，好似幾專業幾正。🍜清湯崩沙腩伊麵清澈嘅湯頭,唔油，但有濃鬱牛味，原來用新鮮牛腩牛骨熬製，好味清甜！識嗌梗係嗌崩沙腩，牛味又濃d，咬落鬆化，唔痴牙，不錯！🍜清湯牛三寶河牛三寶有牛腩、牛筋、牛肚，一次過樣樣有d，份量都好足，牛肚都好軟淋😋🥬健康飲食梗係加個油菜，叫左芥蘭，default既係蠔油芥蘭，下次要轉腩汁記得預先叫定先。呢度除咗牛之外，都有一般粉麵檔嘅魚蛋雲呑等等，所以唔食牛嘅都可以嚟試下。