新泰東南亞餐廳 (馬鞍山廣場)

Open Now

Now Closed

好耐冇一家三口出去商場行吓，今晚興起去咗馬鞍山廣場，個仔最鍾意旋轉木馬附近個影相位，成日有新嘢!行到攰搵嘢食，原來有間手3¹1東南亞餐廳，食過尖沙咀嗰間好好味，所以決定入去試吓!座位好舒服，光暗適中，侍應有禮貌，未食已經有好印象!“鴨肉生菜包”微微辣，夠惹味，連包3個嚟食!“越南鮮胡椒炒牛展”第一次食呢個菜式，好特別，送飯一流，所以立即叫咗一碗，牛展重點係唔可以硬，呢度夠淋入味，KO碗靚仔!“腰果芒果炒雞丁”最啱個仔，有芒果有腰果仲有雞肉，酸酸甜甜夠開胃，唔錯嘅配搭!“泰式蝦炒金邊粉”，上枱個賣相靚到不得了，估唔到係炒金邊粉，食落亦好好味，食咗碗飯嘅我都食咗兩碗!“鹹檸七”就唔算好但正常!“椰汁冰”太座話超好味道，連唔太嗜甜嘅佢都讚，應該唔錯!有咗呢間就唔使再去尖沙咀食喇!