2DP (Closed)

厚福街兩旁既食店一向比既印象係有特色又用心既小店, 其中一間我好欣賞既一間素食店就係2DP。餐廳既裝潢比我一份舒適小清新既感覺, 食物走Fusion路線, 選擇亦不少。泰式生菜包 $138對佢好有興趣, 因為比較少見素食版既泰式生菜包, 用上新豬肉, 像真度好高, 仲加入左松子仁增添口感, 仲有不可缺既青檸, 金不換, 濃濃既泰式風情, 唔講都唔覺自己食緊素。原個南瓜忌廉燴飯 $158上網睇過依個可以話係依度既SIGNATIRE, 亦見到好多人嗌。賣相靚, 滿滿既燴飯, 連南瓜外圍都有一圈。南瓜加上芝士將飯粒包裹住, 入口濃郁又香甜, 口感CREAMY飯粒煮我岩岩好, 帶點煙韌口感, 刮埋D南瓜肉出MIX埋食, 更香更濃, 真係好好食!泰奶遇上豆腐花 $58本身中意飲THAI TEA, 又好少會咁樣MIX埋當甜品, 好夾! 寒天, 芋圓依D全部都係煙煙韌韌既, 連埋滑溜既豆花, 加上THAI TEA, 味道同口感都好PERFECT MATCH!覺得依度既野食製作有用心, 而且出黎真係有質素, 我諗就算我唔係食開素, 我都會KEEP住黎幫襯。