尚素 (Closed)

今日同男朋友到官塘海濱長廊拍拖，晚飯時間打算到附近食個普通茶記，但男友見到有素食話要試下(莫非背住我做得太多虧心事？)，於是就試下呢間尚素喇環境同燈光都好舒適，服務亦都好週到，整體感覺十份好！眼見套餐菜色已經十分豐富，所以不作太多考慮，直接點了一個二人套餐！春夏拼盤拼盤內有素魷魚條、淮山、雲耳及涼瓜，清香可口，夏日淡淡作頭盤小食十分開胃三色串燒串燒好特別，配上左小小柚子醬汁，令整體既口感變得清新好味咕嚕素肉素肉表皮香脆，內裡柔軟，配上酸甜度恰到好處的汁，好快就俾男朋友食光光麻婆豆腐濃郁既醬汁配上少少花椒有種微量麻麻地既感覺，豆腐好滑好香豆味，男朋友不停大讚好味！黃耳冬瓜羹冬瓜份量十分充足，令整個湯羹十分清甜，配上黃耳令到口感更帶點清爽！