2DP (Closed)

近排興素食/keto menu,見2DP都開左幾耐，終於都入左去試試。先尼脆餅配純素芝士醬，脆餅佈滿好多不同種子，口感豐富，而芝士醬真係顛覆對芝士嘅想像，係完全冇芝士味，帶少少酸，因為冇食過純素芝士醬，比較唔到同出面食嘅有冇差異，第一下會覺得難入口，但食慣左就ok。Classic burger我地揀左keto版包，係乾少少，如果有埋芝麻喺面可能會好食啲?同出面食嘅不可能漢堡差不多，冇大驚喜。原個南瓜燴飯就食得又睇得，飯滿瀉埋碟上，咪睇南瓜仔細細，食食下就覺得好飽肚，真係好creamy，不一啖飯再挖埋側邊好淋又好甜嘅南瓜肉食，停唔到口！見甜品好似係推介，叫左個泰奶豆腐花，泰奶就係一貫地甜，原來我係不太接受到嘅，芋圓細細粒，都係鐘意大大粒有咬口啲，豆腐花唔夠滑🙈 見好多人叫蜜瓜刨冰,因為唔想想冰冇試到。個人覺得店員服務麻麻，不會take 2了。