老三火鍋 (Closed)

之前食過覺得味精冇咩而材料新鮮，所以朋友話打邊爐我就話再試這間店。我地食了2個多小時每人大約$250，朋友都話可以再黎食過添。老鴨湯（半隻）原來連同沙參、黨參、松草花、紅棗、杞子和圓肉等藥材燉4至6小時而成，飲落吾覺有味精之餘又補身添。而且湯底更有鴨一起上，煮得淋身之餘，鴨的肉質仲保持得十分好。當飲了不少湯和鴨肉後，就可以加清湯，用來涮不同的火鍋配料，味道也不會過鹹，不用加醬料都可以食到新鮮材料味道，今次吾叫十分多，都以魚和菜為主。蜆沒想到都有6隻而隻隻有一定分量，鮮甜有口感，魚頭半個都大個而新鮮，鮮蝦丸好彈牙又足料，好多蝦碎味道夠，姬松茸菇超多，煮左都吾會淋晒仲有菇香保持到。粟米，菜和准山份量適中都新鮮，魚皮夠脆口而吾會一煮就淋晒。最後黑豚肉煮了有豬肉味而肉質有口感，豬皮位竟吾油仲保持少少脆口。菊花茶18都倒到6杯都足料夠大枝，最喜歡吾太甜。