水鴨朱椰子雞 (Closed)

真係真心推介呢間食打邊爐鋪頭位置雖然比較偏僻~面門裝修好普通比較舊式少少嘅酒樓咁~但原來係禾稈冚珍珠~相比起出面酒樓食嘅打邊爐~呢間真材實料好多~食材又新鮮，手打墨魚丸都好彈牙唔係好似出面咁偷工減料~個湯底椰子汁真係好清甜~配合埋隻走地文昌雞，真係味道一流而且服務態度都好好~我哋一入到嚟就即刻畀杯熱茶我哋暖暖身~ 真係服務周到，真心推介俾大家約埋一班姊妹過嚟吹水~慢慢咁食真係好爽~我哋仲叫咗啲小炒~嗌咗一個手打墨魚丸餅,雖然冇影到出黎~真係超級彈牙~入面仲有芥末汁添流出嚟真係好好食喎！之後仲我打咗一個黃金蝦~啲味都非常之入味，真係可一可再呀~食到嗰個停唔到口囉