GoodDay BadDay MamaDay

Open Now

Now Closed

相隔一段長時間，再嚟到依間玩味十足嘅Café「GoodDay BadDay MamaDay」食飯，依度嘅菜式依然好啱打卡，食落又好味。*此餐廳收取加一服務費。好日梗係芝士龍蝦意大利扁麵（單點$280），上菜時，原隻龍蝦已經拆殼起肉，客人可以方便享用，食落啖啖肉，龍蝦肉質厚肉，口感彈牙，味道鮮甜，加上龍蝦肉表面經過炙燒，以及使用香草、辣椒粉、黑椒、細鹽調味，食落好惹味；芝士忌廉醬口感Creamy，味道濃郁；意大利扁麵食落軟硬適中，容易掛汁，內有蘑菇、洋蔥。蜜汁香茅豬頸肉沙律（單點$136），豬頸肉肉質爽口，肉味濃香，食落帶點香茅清香，加上使用蜜汁、洋蔥調味，味道甜鹹，食落類似日式豚肉生薑燒味道；沙律內有紅毛生菜、羅馬生菜、苦菊、洋蔥、藍莓、紅桑莓、車厘茄、香橙，配以焙煎芝麻醬食用，味道清爽；芝麻醬撈烏冬表面鋪滿木魚花，口感煙韌；泰式炸蝦片，口感香脆，味道鹹香，配以泰式甜辣醬食用，味道更佳。茫茫人海遇見你嘅途中夾雜住又酸又甜（單點$90），表面鋪有芒果、青檸、薄荷；芒果萊姆雪葩蛋糕食落入口即化，味道酸甜，配以芒果柚子醬食用，味道清新；瑞士餅乾口感酥脆，食落充滿牛油香味。夏日熱辣辣，好熱好熱