Video
4-min walk from Exit B1, Tsim Sha Tsui / East Tsim Sha Tsui MTR Station
continue reading
Telephone
94241449
Introduction
The shop and plate design of the cafe are inspired by different famous people in a fun and creative style. You can enjoy international dishes under a colorful environment which is IG-abel.
continue reading
Additional Information
用餐時間90分鐘訂枱(留枱10分鐘）
Opening Hours
Today
12:00 - 22:30
Mon - Thu
12:00 - 22:00
Fri - Sat
12:00 - 22:30
Sun
12:00 - 22:00
Above information is for reference only. Please check details with the restaurant.
About Reward Scheme
Offers
相隔一段長時間，再嚟到依間玩味十足嘅Café「GoodDay BadDay MamaDay」食飯，依度嘅菜式依然好啱打卡，食落又好味。*此餐廳收取加一服務費。好日梗係芝士龍蝦意大利扁麵（單點$280），上菜時，原隻龍蝦已經拆殼起肉，客人可以方便享用，食落啖啖肉，龍蝦肉質厚肉，口感彈牙，味道鮮甜，加上龍蝦肉表面經過炙燒，以及使用香草、辣椒粉、黑椒、細鹽調味，食落好惹味；芝士忌廉醬口感Creamy，味道濃郁；意大利扁麵食落軟硬適中，容易掛汁，內有蘑菇、洋蔥。蜜汁香茅豬頸肉沙律（單點$136），豬頸肉肉質爽口，肉味濃香，食落帶點香茅清香，加上使用蜜汁、洋蔥調味，味道甜鹹，食落類似日式豚肉生薑燒味道；沙律內有紅毛生菜、羅馬生菜、苦菊、洋蔥、藍莓、紅桑莓、車厘茄、香橙，配以焙煎芝麻醬食用，味道清爽；芝麻醬撈烏冬表面鋪滿木魚花，口感煙韌；泰式炸蝦片，口感香脆，味道鹹香，配以泰式甜辣醬食用，味道更佳。茫茫人海遇見你嘅途中夾雜住又酸又甜（單點$90），表面鋪有芒果、青檸、薄荷；芒果萊姆雪葩蛋糕食落入口即化，味道酸甜，配以芒果柚子醬食用，味道清新；瑞士餅乾口感酥脆，食落充滿牛油香味。夏日熱辣辣，好熱好熱降溫椰子沙冰（單點$56），表面鋪有椰絲，海鹽口味雪糕味道微鹹，椰子沙冰口感稠身、沒有碎冰感，椰奶味道濃厚。豆腐豆腐豆腐咖啡（單點$56），表面鋪有咖啡豆，豆腐雪糕味道清甜，濃縮咖啡味道濃香，豆奶飲落豆香味濃，豆腐花口感幼滑，略嫌份量比較少。
continue reading
呢間餐廳成日係IG碌碌下就見到有朋友去今日終於輪到我去到先發現原來餐廳有兩層, 2樓仲有現場音樂表演諗都無諗就揀左2樓坐係尖沙咀寸金尺土既地方唔用盡d位去擺餐台反而搞音樂表現,respect!!今晚係sexophone 表演, 仲話如果客人想可以上台唱k添!蠔梗係要炸初頭仲驚驚地會唔會似放題既炸蠔咁黎到外脆內軟加埋個醬汁, 正正就係今日好想食既炸物!!好邪惡咸蛋牛油果蟹肉Pizza直情有蟹鉗係上面, 非常吸睛咸蛋黃係融入左係Pizza既底醬裡面牛油果味道不突出污糟大大條魷魚墨汁扁麵真係大條都唔信, 魷魚肉質仲係非常有水份, 有彈性但唔會耐嚼墨汁扁麵味道濃而不膩, 扁麵平面可以承載到更加多味道, 食到唔停口手工紫薯蛋糕完全無罪疚感既蛋糕!!食開甜品既可能會失望因為味道係淡淡既自然紫薯味平時唔太好甜品既人就非常適合!非一般檸檬烏龍茶沙冰沙冰份量足夠成餐飯同MENU所講一樣就係檸茶但茶味唔係紅茶咁厚味用左烏龍茶配搭檸檬今日飲益力多柚子沙冰益力多味好突出, 飲完後益力多既甜味會有柚子味緩衝左變得清爽
continue reading
GoodDay BadDay MamaDay📍尖沙咀加連威老道27-27A號嘉榮大廈地舖及1樓我嘅大學好友準備結婚啦，有幸成為佢嘅姊妹一員，喺星期六專程相約去度身做裙，朋友都有嚟陪我。度完身、試完裙，我哋仲去埋The One個snoopy pop up添，之後決定去bookmark良久，朋友多次回訪嘅人氣玩味餐廳，GoodDay BadDay MamaDay食個early dinner！店內裝修別樹一格，有數之不盡嘅公仔、海報同裝飾品，淨係打卡都夠玩成個鐘，而餐點名都搞笑過人，menu設計更加係世界級正，連玻璃檯下都係用彩色Lego裝飾而成，環境氣氛無得頂！ 💰$188鵝肝槓上肝菌飯講十次 🍛鵝肝煎得香口，聞落油香四溢，食落近乎入口即化，油香仲會喺口中散發，頗有驚喜。至於risotto就有好濃烈嘅牛肝菌香氣，整體香而不膩，一啖盡食菌香、鵝油香同醬香，非常值得一試。 💰$148黃金軟殼蟹忌廉意粉 🍝Fettuccine寬寬扁扁帶點厚度，最適合配較濃稠嘅醬汁或芝士調味，所以餐廳選用統稱為「金沙」嘅鹹蛋黃醬實在非常明智，加埋忌廉一齊煮，口感更creamy！軟殼蟹炸得香口酥脆，配上大量菇菌點綴，盡是滋味！ 💰$145好邪惡嘅咸蛋牛油果蟹肉比薩咩叫減肥 🍕好邪惡！真係好邪惡！大量芝士加咸蛋醬抹滿整塊薄身脆pizza，完美地放上六隻蟹鉗，隨心灑上蟹肉、切粒牛油果同切片番茄仔，再放上沙律菜裝飾，賣相相當吸引，多重口感，多重享受。脆脆嘅pizza邊唔會過乾，芝士同咸蛋味道適中唔會過鹹，雖然好邪惡，但一啲都唔肥膩！ 💰$56士多啤梨奶昔 🍓個人認為呢間餐廳嘅飲品比食物同甜品出色，尤其係喺熱辣辣又翳焗嘅天氣下，飲到一杯透心涼嘅飲品，真係特別加分！而且我鍾意佢哋嘅飲品唔花巧，除咗用啲比較有特色嘅玻璃杯裝住外，相比起其他餐點，佢哋嘅賣相都唔會華而不實，純粹係一杯杯簡單、清涼、解渴嘅飲品。朋友好鐘意飲milkshake，考慮到我唔食得太多香蕉，所以佢揀咗strawberry milkshake試試。細細一杯淡粉紅色嘅milkshake帶有淡淡嘅士多啤梨香氣，食到少許果肉同果籽，唔會有粒粒碎冰，口感順滑，味道清甜唔假，推介！ 💰$56夏日熱辣辣，好熱好熱降溫椰子沙冰 🥥而我就叫咗一杯椰子沙冰，個名又係改都好鬼馬，望住啲字個腦就已經響起「夏日熱辣辣，吃西瓜消暑解渴；夏日熱辣辣，喝一杯凍檸檬茶！」呢幾句歌詞，勁好笑！椰子沙冰分量都幾大，而且冰度十足，上面仲放咗一球海鹽雪糕，絲絲鹹味令本身已經好香濃嘅椰子味更突出，半溶嘅雪糕加上frappe嘅綿滑，配pizza、risotto呢類較飽膩嘅主食最為佳！ 💰$68唔甜的紫薯蛋糕 🍰自家製嘅紫薯蛋糕非常精美，蛋糕共有四層，薄薄嘅餅底為底層，數上去有紫薯cream cheese同幼滑嘅mousse，而最頂層就鋪滿紫薯蓉，層次分明，口感豐富細膩，而且食到紫薯自身嘅甜味，想食甜品但怕肥嘅朋友可以考慮一試！ 💰$68焙茶芝士蛋糕 🍰另一款cheesecake朋友揀咗焙茶口味，整體口感唔算柔軟，偏硬身、紮實，勝在茶味香醇，餅底相比下較為厚身，食完唔會有好膩嘅感覺。
continue reading
因為見佢情人節餐唔太貴，所以就叫男朋友book呢間情人節餐嘅餐湯係蟹肉海鮮濃湯，我自己真係幾鍾意呢個湯~呢碗湯啲蟹肉都算多，湯底濃郁但唔會過鹹，不錯不錯至於三款小小嘅前菜就稍微差啲啲。黑醋鮑魚個味道唔錯，配合黑醋嘅酸甜味，整體感覺相當不錯。但係芥末籽海螺呢個前菜就有啲過鹹，掩蓋咗海螺本身嘅鮮味，呢點稍嫌可惜。越式帶子反而幾好，帶子嘅鮮甜味配合越式調味，清新又唔會過於濃烈。仲有另一個前菜係芝士安格斯牛肉卷，呢個又係今餐晚餐幾鍾意嘅一個東西～卷入面嘅芝士溶得剛剛好，配上多汁嘅牛肉，味道啱啱好。牛肉嘅肉汁豐富，配合芝士嘅香濃，令人食完已經感覺飽咗一半😂去到主菜西班牙海鮮飯，其實唔係好識評論，因為平時冇乜點食西班牙嘢🤣呢碟西班牙海鮮飯辣辣地。海鮮方面我諗都算多嘅，有青口、蝦同扇貝，扇貝感覺都幾新鮮，口感幾好。不過，食食吓就感覺有少少膩，如果味道上能夠有多啲層次，就更加好了～呢款棉花糖配糯米糍甜品，感覺有啲普通。棉花糖的確係好食嘅，士多啤梨味🤣但係整體感覺唔係好似一個完整的甜品。好似係將冇乜關係嘅嘢擺埋一齊嘅感覺？不過，以情人節呢個價錢嚟講，成餐都不過不失啦但有得揀嘅話會比較想散嗌🤣印象中以前食過一次散叫嘅好似更加好食～～
continue reading
倒數前食個飯驚無位事先open rice book定位去到唔洗等好耐就入座👍🏻地4個人 無全部影哂😂 太肚餓🙊去到坐底 職員都好好即刻拎水比我地 態度都幾好💖我地2位朋友到先另外2位遲小小職員都無吹我地叫野食先👍🏻飲品名好得意😂 我地睇員都要問下職員係咩黎🙊其中蟹肉意粉好好飯😋😋牛排就差小小 太熟😮💨炸野就正常發揮😋Pizza就無乜特別😂可以唔洗叫🙊都唔算貴正常價錢💖但坐得都舒服💖💖
continue reading