莫云

Open Now

Now Closed

酒店內的中餐廳，裝飾雅致。豬膶燒賣廚師整豬膶燒賣好功夫，豬膶咬口滑唔會（鞋同乾)，豬肉燒賣彈牙有肉汁。雪山叉燒餐包咬一啖鬆軟嘅餐包，包裹住叉燒餡料，叉燒原汁原味好香甜。遠年陳皮湯浸牛肉球未食牛肉球之前，會有蓋蓋上，下面有火熱住，能保持温度，牛肉就唔會凍晒。滑滑嘅牛肉球，食到陳皮同香茜嘅香，牛肉肉質彈牙。高湯伴黃金粉果香口嘅粉果皮，入面係蝦蓉，咬落脆口之餘，一d都唔油膩。安格斯牛肉煎餅鬆皮上澆滿黑白芝麻，香口鬆化之餘，入面係洋蔥牛肉，好味又肉嫩多汁。手磨紅米腸粉紅米腸內包住油炸鬼，油炸鬼入面係白蘿蔔絲，入口先食到軟糯嘅紅米腸再感受到香脆嘅油炸鬼，之後就食到清甜蘿蔔絲，配搭唔錯。廚王單腳炒飯炒飯粒粒乾爽，將江珧柱絲拌勻葱粒、櫻花蝦、蛋，整個飯香氣出晒嚟，亦冇油淰淰。