一杯鐵板燒居酒屋 (Closed)

實在太掛住日本🇯🇵啦，好彩朋友帶我唔洗出元朗都可以吃到日本正宗嘅味道，餐廳位於形點地下，門口唔算大，點知一入去就好似去咗日本居酒屋一樣，裝修佈置好有日本feel，食物質數都好高。今晚決定對自己好d，叫咗五道菜，大滿足！刺身盛盒5點🐟刺身有油甘魚腩、愛女、金線鯛、加拿大海膽、島池魚腩，每款2片，全部都好新鮮，店員哥哥仲好有耐性同我們介紹，每款都有唔同口感，吃到係日本嘅味道。壽司盛盒六件🍣三款壽司分別有牡丹蝦、帶子及中拖羅，我最喜歡拖羅，油脂夠豐富，手握壽司口感特別唔同。鐵板燒豬鞍扒🐷用咗日本豚，肉味香濃，師傅係鐵板燒好再切粒，保留了肉汁，每一粒肉都已有輕輕調味，亦可以配上少許芥末籽醬，每一口都好滿足。Carb Soup🦀看似好簡單的湯，飲落一點都唔普通，有大大隻蟹鉗，配上蔥花的味道，估唔到咁夾，飲完好舒服。牛肉石頭燒飯🥩一上檯已經聞到香噴噴，店員會幫手拌勻，飯底好似係鐵板超過，但竟然可以有飯焦，好有驚喜。