小曼谷泰國美食 (Moved) New Location

同朋友想食泰國嘢，來九龍城食是常識吧！😍今次唔係第一次黎食，食過都覺得唔錯就帶朋友黎呢間。整體黎講，呢間比較乾淨企理，有生蝦食(唔係間間有)，食過呢度的冬陰公海鮮湯，好啱我口味，份量多味道又夠酸辣，嚴選過附近幾間小曼谷，於是就再嚟試吓其他菜式。☺️👍🏼首先係我最愛嘅生蝦刺身😝，唔敢講係最好，質量更好的生蝦係其他地方食過。但勝在個汁好正！個汁都係酸酸甜甜，但間間餐廳都有啲唔同，我就覺得呢度整得最好味。Pad thai炒得好香，上菜嘅時候熱辣辣，好大碟。豬頸肉又係預期中的美味！係頭尾有d位燶左啲，我地無食到。然後馬拉盞炒通菜，又係經典中既經典！唔食對唔住自己！好惹味👍🏼👍🏼怕油的朋友可要求少油。青咖喱雞同蒜蓉包又係無令我地失望，直情係最佳配搭，我多數都會一齊叫。蒜蓉包點個咖喱汁一齊食好正！不過最後因為太飽食唔晒啲雞🙈仲有叫左個拼盤，蝦餅唔錯，個魚餅好重香茅味，個人好中意。怕腥的朋友可以食春卷或者香葉雞，一樣都好好味。三個人叫左太多野，有啲眼闊肚窄。不過我地食甜品係用第二個胃😎點都要叫埋我哋嘅最愛芒果糯米飯！我朋友鍾意食紫糯米，我鍾意食白糯米，一碟有晒，perfect!個dressing甜度啱