泰仔美食

Open Now

Now Closed

平時經過都見到幾多人等位，不過晚餐限時80分鐘又好似好趕，今日星期四8點3先黎到，等左4個字，泰仔話你地8點半入座唔會限時，因為無下一輪，坐到收舖都得，咁又不錯喎👍一坐低即刻叫個生蝦先，再叫左串燒豬併雞，飛天通菜同細椰汁雞湯。生蝦新鮮但無乜甜味，都算爽口厚肉，個汁同塊蒜片辣勁夠。串燒睇落燒得好香，雞肉串不錯，燒得外面夠乾身但又唔會柴，可惜豬肉串燒好肥，似係幾層肉夾埋黎燒，無肉香，只靠個辣汁，沙嗲醬極難食，唔洗點。椰汁雞湯勁多雞肉，湯好香椰味，好好飲，但飲完勁口渴。飛天通菜正常發揮。最尾叫左個椰青，係我係香港飲過最好味椰青，好清甜，椰肉又好香，正！