利豐打冷小廚

Open Now

Now Closed

雖然住得近，但竟然咁耐都未去過。開飯啲相影得咁靚，終於俾佢吸引咗嚟。放咗工即刻去，所以冇乜人。任坐~~一心食啲自己唔會煮o既嘢，於是決定炸炸炸... 生炒骨、炸大腸拼鮮魷、蒜蓉菜心，加罐可樂就完美喇。幾個食評都大讚生炒骨，而我本身又好鬼鍾意食，所以點都要試吓。炸漿唔算厚，又炸得透，食落唔會剩係食到炸粉咁。肉質唔算太腍，甜酸汁味道亦啱啱好。總算冇令人失望！大腸皮炸得好脆，肥膏亦唔算勁 (始終肥肥地先好食)。但相對地鮮魷更出色，炸得乾身，但肉身仲保持到少少彈牙...菜心有啲老同有啲燶，失色之作。兩丁友能夠試o既實在有限，唯有下次再試吓其他嘢。