牛舞日本燒肉‧涮涮鍋放題 (利舞臺廣場)

Open Now

Now Closed

呢排好想食放題又想打邊爐，就嚟咗銅鑼灣嘅呢一間牛舞滿足下食肉嘅慾望👍🏻呢一個日本和牛薩摩放題套餐真係夠晒豐富豪華！超級多款食物可以俾我哋揀，望到個Menu都眼花！頭盤滿滿嘅牛肉擺咗喺上面，每一款脂肪比例厚薄都各有不同，入面嘅種類都多到數唔晒，其中有特上西冷牛牛後腿、牛肩胛、牛背赤肉、牛胸腹肉等等，真係夠晒講究👍🏻任食牛肉嘅選擇都好多，我好鍾意食佢哋嘅薩摩牛和牛粒，細細粒咁樣擺落口，食到陣陣牛肉香。燒肉嘅薩摩牛🥩真係好正，肉質鮮嫩，入口即溶。薩摩牛嗰種脂肪分佈得好均勻，燒得啱啱好嘅時候，啖啖肉都係咁滑咁腍，真係一試難忘。仲有牛粒🍖，啲肉粒燒得啱啱好，外皮烤得微微焦香，但入面嘅肉仲保持住啲嫩滑，咬落去啲肉汁喺口腔裏面流動，夾埋啲香料調味，味道簡直係對味蕾嘅一場饗宴。食完之後仲會令人回味無窮，成日諗住要再去食多次。真心推介比大家，下次去食燒肉嘅時候，記得要試吓薩摩牛同埋牛粒，絕對唔會令你失望嘅！😋其中有幾款嘅牛肉造型仲好靚呀，成朵玫瑰花！甲羅燒燒到陣陣香味撲鼻，超級邪惡又滿足！套餐重要包埋自助吧，喺呢度見到我好想食嘅椒鹽燒賣👍🏻仲有啲香芋丸、炸春卷等等都香脆呀。