Video
Read full review
2009-03-17
78 views
我地以前online department駐分行嘅舊同事本來諗住約大家出嚟唱K，但搞吓搞吓就不如去食一餐聚一聚算啦，諗來諗去都唔知去邊好，不如去尖東啦，Tony即刻提議我地去佢預備擺酒嗰間 - 馥苑金閣海鮮酒家。Tony仲即刻call嗰間酒家負責幫佢搞婚宴嘅部長訂枱....好不積極。一放工即刻返屋企攞車，順路執埋舊同事，因為佢嘅office就喺我屋企附近。出發時間18:50，去到九龍公園徑，好塞車，冇辦法，始終星期四嘅尖沙咀已經開始多人出街食飯。Tony話問過泊喺隔離嘅安達中心有優惠，啱哂我，我一向去尖東都係泊嗰度，終於19:40去到目的地，泊好車，就上去。一入門口就有一個好好笑容嘅待應問我係咪莫生，我話係，佢就話"啊! 原來你就係莫生。"，感覺好奇怪。跟住佢帶我地上去，原來其他人已經嚟咗，仲爭阿妹未嚟，佢應該又係做咗迷途小羔羊了。十分鐘後，妹妹終於出現，我地齊人就開始諗叫咩餸，真係奇怪，呢度只係得一塊板咁嘅menu，而唔係學似其他食肆咁一本本menu，且啲餸名相當長，就咁睇名係好難明。入正題，叫咗五個餸1. 口水雞 > 味普通，好似有啲唔係咁正宗添，少辣，適合香港人。2. 肉
一放工即刻返屋企攞車，順路執埋舊同事，因為佢嘅office就喺我屋企附近。出發時間18:50，去到九龍公園徑，好塞車，冇辦法，始終星期四嘅尖沙咀已經開始多人出街食飯。Tony話問過泊喺隔離嘅安達中心有優惠，啱哂我，我一向去尖東都係泊嗰度，終於19:40去到目的地，泊好車，就上去。
一入門口就有一個好好笑容嘅待應問我係咪莫生，我話係，佢就話"啊! 原來你就係莫生。"，感覺好奇怪。跟住佢帶我地上去，原來其他人已經嚟咗，仲爭阿妹未嚟，佢應該又係做咗迷途小羔羊了。十分鐘後，妹妹終於出現，我地齊人就開始諗叫咩餸，真係奇怪，呢度只係得一塊板咁嘅menu，而唔係學似其他食肆咁一本本menu，且啲餸名相當長，就咁睇名係好難明。
入正題，叫咗五個餸
1. 口水雞 > 味普通，好似有啲唔係咁正宗添，少辣，適合香港人。
2. 肉鬆盞 > 用一個半球狀?炸饅頭，載住啲肉鬆喺上面，但係大家都覺得似乎肉鬆有點過鹹。
3. 蟹肉瑤柱扒東胡 > 用冬瓜絲，又有蟹肉，又有瑤柱去釣味，個味好鮮甜...唔錯，適合撈飯。
4. 唔記得個名 "XXX蝦球" > 其實簡單嚟講係蝦仁炒蛋，蛋都算okay，但係佢唔係落蔥，而係落一啲好似韮菜花嘅頭咁嘅嘢，啲蝦肯定係上等貨，好晶瑩，好爽。
5. 燒汁牛柳 > 煲仔上，肉都幾諗，仲要切埋圓形，不過個汁都係冇咩特別。
最後就甜品 : 紀子桂花糕 - 味唔錯; xx酥 - 皮夠鬆; 生果盤 - 菠蘿幾甜，而且造型好潮。
總評：可以一食。服務一流，待應會有傾有講，唔錯嘅，環境清靜，適合用作一邊食飯一邊傾生意。呢間嘢有一樣唔好，就係歧視女仔，淨係問我同阿弗姓咩，雖然張枱係留我名，但係都唔使成日"莫生抺手"、"莫生飲茶"、"莫生啲嘢啱唔啱食"。最後，問待應亦都發原來係除咗泊隔離嘅半島中心只可以有泊車優惠，原來校長之前問佢地，個部長只係對佢講唔泊半島中心，可以選擇去安達中心啫，又比校長冼一鑊添....
Post
