漁民麵館 (Closed)

早排經媒體報導後，突然爆紅，（元朗店）排晒隊既平價滋補花膠麵。原來在幾區開了新分店，咁啱路過，梗係要會一會啦！其實早在總店（元朗）新開張初期，已經食左兩次。講真咁既價錢，咁既質素，性價比高。印象最深的，不是食物，而是有位人客叫碗花膠湯麵走花膠。。。你冇睇錯🤔，我冇打錯😎，確實如此。 人客指出，其冬菇相當好食，又冇得叫淨冬菇，所以出此法。事隔數月，來到這荃灣分店，餐牌多了款式，亦相信老闆聽了人客們意見，更改及新增餐牌內容。有冬菇麵😲今次呢回想試新野，海蔘麵，可惜未有，因店鋪太新，餐牌內的項目未能夠同步供應。。。～咁就貼紙或者侍應帶位時講聲啦😑 揀左一輪落單時才說沒有，冇癮。另見有客人點乜冇乜，入座後未食走了。因為食過數款了， 最後揀了花膠撈麵。味道貫徹之前的質素，但花膠份量比之前少了點，冬菇依舊厚身入味。作為一間主打單一食材的食肆，在香港難得一見，因為香港人心態要有得揀，太單一會比較難生存，不似日本韓國般，單賣拉麵 紫菜卷都出名，所以增加款式是可行的，但不要偏離此店的賣點《滋補養生》，否則就淪為海味茶餐廳。總括來說，性價比依然優勝，味道亦可取，只是質素比未開分店時開業初期，遜色了1分，